FEATUREDIkus LiuNewsPolitika

PJR A-favór Esbosu Lei Kriminaliza Difamasaun

Fahe Tutan

Naunil Media (Díli), Prokuradór Jerál da Republika (PJR), José da Costa Ximenes, hateten a-favór (konkorda) ho esbosu Lei kriminaliza difamasaun injuria, tanba bele garantia ema nia direitu liberdade espresaun ho responsabilidade tuir konstituisaun Repúblika Demokrátika Timor-Leste (K-RDTL) artigu 1 no 36.

“Nu’udar prokuradór nia pozisaun, ha’u pro ba lei difamasaun no injuria. Razaun simples, ita bele haree iha konstituisaun da repúblika artigu 1 iha númeru 1, estadu direitu demokrátiku, soberanu indepedente, unitáriu ne’ebe harii hosi povu nia vontade ne’ebe respeita ba dignidade pesoa umana nian” PJR, José da Costa Ximenes, ba jornalista sira, hafoin sorumutuk semenal ho Prezidente Republika, Farncisco Guterres  ‘Lú Olo’ iha Palásiu Prezidensiál Nicolau Lobato, Bairu Pité, Segunda (29/06).

PJR, José da Costa Ximenes , fundamenta maske iha artigu 40 ho 41 koalia kona-ba direitu liberdade espresaun ba ema hotu-hotu, maibé liberdade ne’e laos uza  hodi tolok no halo reputasaun hodi estraga ema seluk nia dignidade.

“Iha Artigu 36 koalia kona-ba direitu onra no privasidade ne’e, hateten ema idak-idak iha direitu ba nia onra, direitu ba hadi’ak nia naran no Reputasaun”, esplika PJR, José.

Kona-ba esbosu Lei kriminaliza difamasaun, antes ne’e maioria entidades no sosiedade sivíl barak mak la konkorda, ho razaun Timor-Leste hanesan Estadu de Direitu no Demokrátiku. Dms

Leave a Reply

Your email address will not be published. Required fields are marked *