KSM Deside Maijor José Trix Subtitui Pedro Klamar Fuik
Naunil Media (Díli), Kinta-feira (06/07) ne’e liu husi Komunikadu Imprensa Xefe Estadu Maijor Tanente General Domingos Raul “Falur Rate Laek” haktuir Konsellu Superior Militar (KSM) Halo nomeasaun interinamente Xefe Estadu Maijor F-FDTL José da Costa Soares “Trix” tanba Governu da IX nomeia Xefe Maior General Comodoro Pedro Klamar Fuik ba Ministru Defesa.
Tanba ne’e eis Xefe Estadu Maior general Pedro “Klamar Fuik” simu posse nu’udar ministru ona, agora atu formaliza ninia ejonerasaun ne’e Konselhu Superior militar halo ona desijaun no sumete ba konselhu ministru nune’e bele hetan posse hodi asume fali knar hanesan Ministru defeza(MD)
“Ba Konsellu Ministru tuan maibe la biban ona ba Presidente promulga,entaun fo deit kopia dokumentasaun ne’e nian para ba Primeiru Ministru foun para hato’o ba presidente atu fo posse”.Dehan Tenente General Domingos Raul “Falur Rate Laek”, ba jornalista sira iha Quarter General, Fatuhada.
Tuir Tanente General me’e katak, daudaun ne’e prosessu administrasaun La’o hela ho ninia rekopensasaun, iha loron 30 ne’e ba nia hodi halo ejonerasaun ba nia promosaun iha ona, depois Presidente Repúblika mak sei halo promosaun.
“Xefe Estadu Maijor mos hanesan, proposta ba Presidente no agora Ha’u haruka nia mai servisu interinamente iha estadu maior depois hein proposta sira ne’e valida para governu haruka ba Presidente para nomeia nia atu sai ofisialmente nu’udar sefe estadu maior general”katak Rate Laek
Tanba ne’e, Koronel Jose da Costa Soares “Trix”, hanesan mos veteranu gerilha ida ho esperensia barak hahu husi vida joventude bainhira partisipa iha funu to’o Timor leste hetan independensia, tanba ne’e nomeia interinamente nia sai sefe estadu maior general hodi substitui eis Sefe maior general Pedro Klamar fuik Nia Fatin.
“Coronel “Trix” ne’e nia veteranu, kombatetente ida, gerilha ida, uluk nia estadu maior gerilha ida, nia estadu maior kolabora falintil iha ai-laran, nia quadru medio depois ema kaptura nia mai iha ne’e depois mak ba, simu treinu formasaun, nune’e veteranu nia mos hetan Kursu formasaun diak. Mas entre Koronel hotu-hotu nia mais antigu liu, ne’e mak konselhu superior militar vota por unamindade ninia promosaun no nomeasaun ba Xefe Estadu maior hodi asume pasta ida ne’e to’o nia reforma ho identiku ba tinan rua(2)”Tenik nia
Enkuantu Koronel “Dobu” lidera fila fali instituisaun unidade falintil operasaun espesiais interinamente iha komponenente Terestre Baucau, nune’e mos nomeia tan koronel Abel “Niki” asume fali temporariamente unidade FALINTIL nian. Abhas
