F-FDTL-PNTL Sei Garante Estabilidade, Bainhira Mosu EA

Fahe Tutan

Naunil Media (Díli), Xefe Estadu Maiór Jenerál FALINTIL Forsa Defeza Timor-Leste (F-FDTL), Maijor Jenerál Lere Anan Timur, hateten forsa armada no polísia sei kontinua kumpre devér seguransa atu garante estabilidade rai laran, kuandu akontese Eleisaun Antesipada (EA).

Xefe Estadu Maior Jenerál F-FDTL, Maijor Jenerál Lere Anan Timur deklara asuntu ne’e iha Centro Convenções Díli (CCD), Segunda (02/03).  

Tuir ema númeru um iha istituisaun F-FDTL, Lere Anan Timur, hateten povu baruk ona ho eleisaun antesipada, maibé forsa armada mos kontinua garante seguransa no estabilidade kuandu mosu tan eleisaun antesipada.

“Ha’u hanoin katak eleisaun antesipada ne’e ita-nia povu baruk ona, Timor ida ke ki’ik, Timor ida foin ukun an, maibe eleisaun atu akontese iha tina rua ka tolu tuir malu. Ida ne’e labele mas situasaun polítika mak hanesan ne’e ami labele intervein”, informa eis gerileiru komandante rejiaun um Ponta Leste, Lere Anan Timur.

Lere deklara, ho situasaun polítika atual ne’e forsa armada no polísia kumpre devér no nia misaun seguransa estabilidade, bainhira sé deit mak viola sei simu nia konsiensia.  

“Sé mak viola seguransa no estabilidade pasiensia tenke simu konsikuénsia  no la’os ha’u mak responzabiliza mas polítiku sira mak responsabiliza”, dehan Nia.

Tuir veteran ne’e katak, F-FDTL ho PNTL hakmatek signifika seguransa no estabilidade mós hakmatek, tanba ne’e esensiálliu forsa armada no polísia tenke mantein hanesan luta ba nasaun. Ina

Leave a Reply

Your email address will not be published.