CCI-TL-IQTL Realiza Semináriu Kona-ba Kualidade Estandarizasaun, Akreditasaun no Sertifikasaun ba Produtu
Naunil Media (Díli), Kinta (23/03) ne’e, iha City8 Manleu, Kamara Komersiu Industria Timor–Leste (CCI–TL-Sigla Português) ho Instituisaun Kualidade Timor-Leste (IQTL- Sigla Português) realiza Seminariu Kona-ba kualidade Estandarizasaun, Akreditasaun no Sertifikasaun ba Produtu.
Objetivu semináriu refere entre parte atu halo diskusaun kona-ba padraun no lei sira enkuadramentu legal no Timor iha fasilidades Laboratórium.
Vise-Prezidente Promosaun e Kooperasaun CCI-TL, Hergui Luina Fernandes Alves, hateten estandarizasaun akreditasaun ba produtu, servisu hamutuk entre IQTL CCI-TL, atu diskuti konaba problema ou kazu oinsa mak atu buka solusaun, tamba benefisiu ne’e boot teb-tebes ba setor privadu no aktividade ekonomia iha Timor-Leste.
“Konaba fasilidade ita sedauk iha, tanba ida ne’e mak ita sei iha negativu ba exportasaun laboratorium rasik, atu ita nia nasaun rasik, nem sertifikasaun ida, inklui nem esspexes, sertifikadu origim no sertifikadu kualidade sira seluk”, salienta Vise-Prezidente CCI-TL ne’e.
Prezidente IQTL, Rozito de Sousa Monteiro, konsidera seminariu refere importante ba setor privadu sira no povu Timor-Leste tomak.
“Ita atu koalia konaba kualidade tenke iha sasukat ruma ne’ebe atu defini kualidade ne’e oinsa, se ita temi deit liafuan kualidade mais ita la iha servisu ne’ebe mak atu kumprimenta rezultadu kualidade, ne’e difisil”, tenik Prezidente IQTL
Nia dehan, “IQTL ne’ebe mak dadaun ne’e toma responsabilidade iha assuntu estandarizasaun, ami iha prosesu estabelisimentu instituisaun nian, primeiro tanba instituisaun foun foin mak harii, nune’e ami iha prosesu estabelisimentu institusional ba iha institutu ne’e rasik”.
“Maske nune’e ami fo prioridade ba iha estandarizasaun nian katak planu ba tinan ida ne’e mos tinan oin mai kontinua fo prioridade ba iha assuntu estandarizasaun nian”, promote líder IQTL ne’e.
Tuir nia, Timor presiza kria laboratorium rasik hodi halo sertifikasaun ba produtus tantu produtu inportasaun no mos produtu lokal hodi preparasaun ba exportasaun. mj1/mj3