FEATUREDIkus LiuJustisaNews

Kazu Hera, Arguidu Nain Neen Hetan Aprezentasaun Periodika

Fahe Tutan

Naunil Media (Dili), Tribunál Distritál Díli (TDD), Segunda ne’e (02/03), halo julgamentu ba kazu komfrontu ne’ebé akontese iha Aldeia Mota Ki’ik suku  Hera, postu administrativu Kristu Rei,  bainhira agruidu sira ne’e  halo akompañamentu ba  mate isin,  husi Díli atu  lori liu bá iha munisipiu Vikeke, postu Administrativu Uatulari.

Iha julgamentu finál ba kazu ne’e, tribunál aplika medida koasaun aprezentasaun peridika ba arguido sira.

Maibé tuir  alegasaun  husi Ministeriu Públiku nian,  katak, husu atu arguidu sira ba iha prizaun preventiva, hodi hein prosesu investigasaun, tanba arguidu sira komete krime Danu ho violénsia ne’ebé maka previstu iha artigu 260 no Insendiu previstu iha artigu 263, kódigu penál Timor-Leste nian.

Maske nune’e perante julgamentu, defensor publiku   husi arguido nain neen ne’e  Hendrique Mariz halo defeza ba nia kliente sira hodi hato’o ba tribunál katak, arguido nain neen ho inisiál TFG, FDS, ADS CSP, MVN no MM, sira nain neen ne’e akompañia mmate isin atu lori ba munisipiu Vikeke, Postu Administrativu  Uatulari.

Maibé to’o iha rotunda Hera nian, arguidu nain nain neen  husik hela mate isin, depois arguidu nain neen fila husi rotunda Hera nian to’o iha fatin akontesimentu, konfruntasaun entre grupu rua, ne’ebé mak akontese iha loron 27/02, Hera Mota Ki’ik, postu administrative  Kristu-Rei, Munisípiu Díli foin lalais ne’e.

“Ami nia kliente sira diside fila-fali ba kotuk, hodi hein polísia sira halo normaliza tiha situasaun, iha momentu ne’e ba, maka polísia rasik maka haruka arguidu sira fila fali bá ida-idak nia uma”, haktuir defensor publiku,  Henrique ba jornalista sira hafoin remata Julgamentu ba arguido nain neen iha  TTD , Segunda, ne’e.

Defensor ne’e reforsa liu tan, , iha fatin konfruntasaun deskonfia katak, ema balun  maka indika arguidu sira komete iha akontesimentu refere. Maibé tuir lolos iha fatin akontesimentu ne’e hakmatek tiha ona mak foin arguidu nain neen ne’e  to’o.

“Iha ema balun ne’ebé maka indika, arguidu sira maka involve iha konfruntasaun ne’ebé iha Hera Mota Ki’ik nian, maibé na realidade ami nia kliente sira ne’e la partisipa iha momentu ne’eba. Arguidu sira mai ne’e situasaun normál nosituasaun kontroladu tiha ona”, informa  Defeza ne’e.

Relasiona ho kazu komfrontasaun iha Hera Aldeia Mota Ki’ik iha (27/2) ho nune’e arguidu sira polisia eskuadra Kristu Rei lori arguidu sira mai detein iha sela komandu PNTL Munisipiu Dili nian iha Kaikoli ho oras 72, tanba deskonfia arguido sira ne’e involve direitamente ba iha kazu komfrontasaun refere.

Tanba ne’e maka  Domingu (01/3/),  liuhosi primeiru interogatoriu ne’ebé (TDD halo hasoru arguido nain neen ne’e ho  desizaun katak, arguidu nain neen  hetan aprezentasaun pereodika kada semana dala ida.

Julgamentu finál  ne’ebé maka hala’o iha TDD, Seguda (02/03), prezidi husi Juis singular, Sribuana da Costa, Ministériu Públiku (MP) reprenzenta husi prokuradór Ivonia Guterres, Defensór públiku Henrique Mariz. Rit

Leave a Reply

Your email address will not be published. Required fields are marked *