Hadi’ak Servisu Seguransa, MI Propoen Adisional Millaun $13

Fahe Tutan

Naunil Media (Díli), Vise Ministru Interior, António Armindo, informa reuniaun entre Komite Revizaun Orsamentu Polítiku (KROP) Ministériu Interior atu husu adisional millaun $13.

“Adisional akumula hotu ba Ministeriu Interior servisu migrasaun no protesaun sivíl, adisionál ba Polísia Nasionál Timor-Leste (PNTL) hamutuk $11.397.425. Proposta ne’e Importante atu implementa tinan letivu 2021”, Vise Ministru Interior, António Armindo, ba jornalista sira hafoin partisipa reuniaun iha Salaun Ministériu Finansas, Aitarak Laran, Segunda (21/09).

Membru Governu konstitusionál da-ualu ne’e, dehan instituisaun ne’ebe imoprtante iha Ministeriu  interior mak preokupasaun PNTL.

“Iha tinan oin sei halo konstrusaun postu Unidade Patrullamentu Fronteira (UPF) lima no viatura sira ne’ebe ita presija sira iha nune’e bele koloka ba iha eskuadra polísia komandu Munisípiu, ita mos husu propoin para atu sosa komputadór no mákina printer sira ba munisipiu no postu administrativu sira”, informa governante ne’e.

Nia dehan, orsamentu sei koloka ba postu UPF  hodi kanaliza  bee moos inklui servisu migrasaun no fortifika rekursu kontrola aktividade illegal iha fronteira no protesaun sivíl kontein Bombeiru asegura  dezastre natural. Apm

Leave a Reply

Your email address will not be published.