PJR José Aprezenta Kazu Foun ba PR Lú Olo

Fahe Tutan

Naunil Media (Díli), Tersa (22/09) ne’e, iha Palásiu Prezidensiál Nicolauu Lobato, Bairu Pité, Prokuradór Jerál Repúblika (PJR), José da Costa Ximenes, aprezenta kazu foun iha fulan Setembru tinan 2020 ba Prezidente Repúblika (PR), Francisco Guterres ‘Lú Olo’.

PJR, José, hateten kazu akontese iha Timor-Leste hanesan kazu foun iha fulan Setembru  ne’e, arguidu ho naran Jerry ne’ebé transporta Timor oan nain rua ba iha Indonézia,  iha loron 17/09 tribunál no saúde kondena ho pena prizaun tinan sanulu (10) ho pena assessoria depois kumpri pena durante tinan sanulu (10) se haruka fila ba ninia rai Filipina, durante tinan ualu (8) komesa husi espulsaun nia sei la tama mai Timor.

Alende kazu ne’e PJR, José, subliña Gabineti Sentral Kombate Korupsaun no kriminalidade organizada finaliza ona akuzasaun kontra eis Pé. Inisial RD, tempu badak sei haruka ba prokadoria distrital Oe-Cusse ne’ebé iha kompetensia territórial para julga krime saída mak akuza abuzu sexual kontra menor idade.

“Ho nia gravasaun previstu iha artigu 177° no 182, ho totál 14 krime provavelmente bele liu tan hirak ne’e. Liu husi prosesu krime, pedidus indikasaun sivíl ho $48 mil  dólares amerikanu”, dehan PJR, José, ba jornalista sira, hafoin sorumutuk semanal ho PR Lú Olo.

Nia hatutan, relasaun  ho kazu eis Pe. RD ne’e atu deklara katak taka tiha orfonatu TH (Top Homis).

Akuzasaun  ne’ebé mak halo prosesu ne’e la kontra Pe. hanesan Amu Lulik la kontra mós Igreja hanesan instituisaun no ida ne’e kontra oknum sira ne’ebé servisu tinan barak iha Igreja nu’udar Padre. Pau/Emj9

Leave a Reply

Your email address will not be published.