MP Servisu Hamutuk Instituisaun Relevante Destroi Matéria Droga Tolelada 160

Fahe Tutan

Naunil Media (Díli), Prokuradór Jerál Repúblika (PJR), José Ximenes, informa Ministériu Públiku (MP) servisu hamutuk ho instituisaun sira relevante halo ona destruisaun material bázika ba droga hamutuk tonelada 160, mak tinan kotuk, Unidade Polísia Marítima prende iha kontentór sia nia laran iha Portu-Dili, no  destruisaun ne’e bazeia ba desizaun Tribunál, 20 Fevereiru 2020.

“Servisu hamutuk ho PNTL, Alfándega, Institutu Jestaun Ekipamentus, Ministériu Saúde, Bombeirus ho instituisaun sira seluk, halo ona destruisaun material bázika ba droga hamutuk tonelada 160, ne’ebé tinan kotuk, Unidade Polísia Marítima prende iha kontentór sia nia laran iha Portu-Dili. Destruisaun refere bazeia ba desizaun Tribunál, 20 fevereiru 2020”, PJR, José da Costa Ximenes, ba jornalista sira hafoin enkontru mensál ho Prezidente Repúblika, Francisco Guterres ‘Lú Olo’, iha Palásiu Prezidensiál Nicolau Lobato, Bairu Pité, Tersa (22/09).

Prokuradór José Ximenes hatutan, segunda feira, semana oin, sei kontinua halo destruisaun ba droga ho kuantidade 3.253 Kg, ne’ebé autoridade sira prende iha Sentru Komersiál Timor Plaza, Dili, iha janeiru tinan-2020.

Hanesan mos aktividade komersial droga, PJR, José Ximenes, esplika Tribunal Distrital Díli kondena ona sidadaun Filipina ida ne’ebé transporta kazal timoroan ne’ebé lori mákina imprisaun ho droga iha laran, ba Atambua, Indonésia, ho pena prizaun tinan-10.

Seluk fali, Nia informa, Gabinete Sentrál Kombate Korupsaun no Kriminalidade Organizada finaliza ona akuzasaun kontra eis-Padre ida ho inisiál RD ho akuzaun krime

“Abuzu seksuál kontra minor ho nia agravasaun ho total krime hamutuk 14. Dentru-de- prosesu krime, ami mós hato’o pedidu indemnizasaun sivíl ho total 48 mil i tal dólar amerikanu”, afirma Prokuradór Jerál Repúblika.

Ikus liu, Nia dehan, atividades Ministériu Públiku ninian iha nível hotu komesa hahú fali ona. Pau/Emj9

Leave a Reply

Your email address will not be published.