MAP Identifika Tratór 64 Kondisaun Avaria iha Manufahi no Covalima

Fahe Tutan

Naunil Media (Díli), Ministru Agrikultura no Peskas (MAP), Perdo dos Reis, informa nia vizita traballu ba iha Munisípiu Manufahi no Covalima, idenfitika tratór neén nulu resin haat (64) mak ho kondisaun avaria ona no presija halo manutensaun.      

Ministru Perdo dos Reis, ba jornalista sira hafoin sorumutuk ho Primeiru Ministru (PM), Taur Matan Ruak, iha Palásiu Governu, Sesta (07/08).

Membru Governu konstitusionál da-ualu, Pedro, hateten iha Munisípiu Manufahi iha tratór tolu nulu resin neén (36) maibe hela de’it tratór haat (4) mak funsiona no iha Covalima iha tratór tolu nulu resin ualu (38) maibe hela de’it tratór neén (6) mak funsiona.

“Ha’u-nia vizita traballu ba iha kampu, tratór barak mak oras ne’e kondisaun avaria, hanesan iha Suai totál tratór hamutuk 38, maibé tratór iha neen (6)   funsiona no iha Betanu-Manufahi totál  tratór 36 maibe iha tratór haat (4) mak kondisaun sei funsiona, tanba ne’e  presija halo manutensaun fila-fali”, informa Governante ne’e.

Ministru Perdo dos Reis, informa aleide identifika probela tratór, nia mos identifika problema irigasaun hamutuk haat nulu (40) mak presija halo manutensaun, maibe seidauk iha orsamentu, nune’e sei tau ba Orsamentu Jerál Estadu (OJE) 2021.    

“Ha’u propoin atu uza osan COVID-19 nian ho total $2.5 mil, atu halo manutensaun ba irigasaun ki’ik sira  hamutuk  40,  maibé osan COVID-19 lei la  autoriza. Tan ne’e, Primeiru Ministru (PM), Taur Matan Ruak propoin fali prioridade ba orsamentu tinan 2021”. Tenik Ministru Pedro.   

Ikus-liu, Ministru ne’e  relata, orsamentu COVID-19 ne’ebé aloka ba MAP ho  montante hamutuk $4.9 mil, maibé aloka   fali ba Ministériu Solidaridade Sosial no Inkluzaun (MSSI) montante $2.4 mil no montante hamutuk 2.5 mil mak  fila tiha ona ba kofre estadu. Lop

Leave a Reply

Your email address will not be published.