Lere : Tour FALINTIL Refleta Istória Guerrilla Durante Tinan 24

Fahe Tutan

Naunil Media (Díli), Xefe Estadu Maiór Jenerál FALINTIL-Forsa Defeza Timor-Leste (F-FDTL), Majór Jenerál Lere Anan Timur, hateten Tour FALINTIL nu’udar reflesaun ba Tour FALINTIL la’o-ain durante tinan 24 hodi organiza povu luta ba independensia.

Xefe Estadu Maiór Jenerál F-FDTL, Majór Jenerál Lere Anan Timur, hateten asuntu ne’e liu husi nia deskursu lansamentu Tour ba da-uluk iha Quartel Jenerál F-FDTL, Fatuhada, Sábadu (08/08).

“Parabens ba ekipa, onra bo’ot ba it abele komemora loron FALITIL, mezmu mosu impase polítika, maibe importante liu mak ita metin nafatin. Uluk imi nia maun FALINTIL sira halo Tour la’o-ain haleu Timor la iha hahan, uluk sira mos la iha regulamentu, maibe sira disiplina kompri nafatin ordem, to’o ohi ita komemora FALINTIL nia loron, hodi hanoin sira ne’ebe mate ba rai ida ne’e”, afirma Xefe Estadu Maiór Jenerál F-FDTL, Majór Jenerál Lere Anan Timur.

Eis-Guerrilleiru Komandante Rejiaun Um Ponta Leste no atual Xefe Estadu Maiór Jenerál F-FDTL, Majór Jenerál Lere Anan Timur, hatutan mezmu ohin loron mundu tomak inklui Timor-Leste iha hela Estadu Emerjénsia, maibe fiar katak, rai-lulik Timor no Maromak nia tulun ba povu sei ses husi ameasa Surtu COVID-19.

“Corona ne’e iha, maibe Timor rai-lulik, ema mate rihun 300 to’o ona, ita labele mate tanba Corona, maibe ita mos tenke nafatin prevene-án”, alerta Majór Jenerál Lere Anan Timur.

Iha fatin hanesan, Xefe Estadu Maiór F-FDTL, Koronel Calisto Santos Coli ‘Coliati’, relata kada munisípiu ne’ebe ekipa Tour vizita, sei fó apoiu ai-han ba povu kbi’it laek nain-40, fó tratamentu saúde gratuita, apoiu maskra no sosializa regra sira prevensaun COVID-19.

Tour F-FDTL partisipa husi membru nain-450 ho motor no kareta haleu munisípiu 12 hodi halo reflesaun ba istória luta FALINTIL nian hamutuk ho povu durante tinan 24 nia-laran.

Tour ne’e ho tema “Ho Espiritu FALINTIL, Prontu no Desididu Atu Serví Interese Povu no Nasaun” hodi selebra aniversáriu FALINTIL ba dala-45 mak sei monu iha 20 fulan Agostu tinan 2020 ne’e.

Rute Tour ne’e, hahu husi Díli ba Munisípiu Bobonaro reprezenta FALINTIL Rejiaun IV, Manufahi reprezenta Rejiaun III, Cararas Viqueque no Baucau reprezenta Rejiaun II, Iliomar Lautém no Tutuala reprezenta Rejiaun I Ponta Leste. Flo

Leave a Reply

Your email address will not be published.