Inundasaun Iha Lospalos Estraga Uma Komunidade no Ai-Han

Fahe Tutan

Naunil Media (Lautém), Akontese udan iha Senta (22/05) maiz ou menus madrugada tuku 4:00 otl iha Munisípiu Lautém, halo aldeia no suku balu iha munisípiu refere sai tahu no akontese inundasaun hodi estraga komunidade sira nia uma no ai-han.

Vítima indundasaun, Albano Soares, hateten akontese udan kuaze oras rua nia laran, lori tristeza bo’ot ba komunidade postu administrative Lospalos, Munisípiu Lautém em jerál, liu-liu aldeia Titilari suku Fuiluro, tanba hamosu inundasaun hodi estraga sira uma nia uma no ai-han.

“Ohin dader udan bo’ot tebes, udan ne’e kuaze iha oras rua nian laran  hamosu inundasaun bee sa’e iha Aldeia Titilari, Suku Fuiloru hodi estraga uma kain haat uma, inklui  sasan uma laran no ai-han”, esplika vítima inundasaun, Albano Soares iha nia hela fatin aldeia Titilari.

“Ai-han  foos no batar lakonsege lori sai no sasan seluk hanesan ropa, sasan dapur lakonsege mos lakonsege salva”, informa Nia.

Vítima inundasaun, Rita Lopes, reforsa “Ami proveita hato’o ba públiku, katak akontesementu ne’e la’ós foin, maibé bei-beik ona bainhira iha  tempu udan”.

Akontesementu inundasaun ne’e, la’ós akontese  iha aldeia Titilari deit, maibé akontese mos iha Aldeia  Motolori iha suku Fuiloro, postu administrativu Lospalos Vila.

Enkuantu to’o notisia ne’e publika, jornalista Naunil Media seidauk halo konfirmasaun ba Sentru Servisu Solidariedade Sosiál Munisípiu Lautém konaba númeru vítima inundasaun refere. Latu

Leave a Reply

Your email address will not be published.