PM, Taur : “Hau Orgullu no Kongratula Ba Povu TL”

Fahe Tutan

Naunil Media (Díli), Primeiru Ministru (PM), Taur Matan Ruak sente orgullu no kongratula ba povu Timor-Leste (TL), tanba relasiona ho impase polítika rai laran maibé povu nafatin hatudu sira nia atetude ne’ebé di’ak.

“Liuhosi oportunidade ne’e ha’u hakarak kongratula ba povu Timor laran tomak. Ha’u kontente los wainhira haree joven no Inan-Aman sira nia komportamentu relasiona ho situasaun rai laran” Xefí ezekutivu, Taur Matan Ruak, ba jornalista sira hafóin hasoru malu ho Prezidente Repúblika Farncisco Guterres ‘Lú Olo’ iha Palasíu Prezidensiál Nicolau Lobato, Bairu Pité, Kinta (21/05).

Eis Jenderal Fitun Rua, hatutan “Ha’u orgullu los hola parte nu’udar xefí ezekutivu ba  pais ida ne’ebé sidadaun  esklaridu no sivísmu tebes. Ha’u orgullu tebes”.

“Liuhosi oportunidade ida ne’e hodi lidera nasaun kontinua husu ba komunidade hotu-hotu atu  nafatin mantein  hanesan ne’e hodi mantein paz no esatbilidade iha ita nia nasaun, tanba unidade nasional ne’e importante tebes”. Dehan PM, Taur Matan Ruak. Dms

Leave a Reply

Your email address will not be published.