Konsidera PPN Foun Ilegal, Bankada CNRT, UDT/FM no PUDD Lakohi Tuir Aktividade PN
Naunil Media (Díli), Vise xefe bankada CNRT, Patrocino Fernandes, hateten Prezidenti Parlamentu Nasionál eleitu Aniceito Guterres konvoka konferensia líder bankada ne’ebé partisipa hosi bankada FRETELIN, PLP, KHUNTO no PD, ne’e konsidera ilegal tanba hadau poder hosi Arão Noé de Jesus da Costa Amaral la tuir rejimentu no la konstitusional.
“Ohin Kinta feira loron 21fulan Maiu tinan 2020, Presidente Parlamentu Nasional ilegal, Dr. Aniceito Guterres ilegalmente konvoka konferênsia lideres bankadas ne’ebé partisipa hosi Bankada FRETELIN, PLP, KHUNTO no PD. Prosesu ne’ebé akontese dadaun ne’e ‘hadau Poder Fórsada’, tanba la tuir rekejitu sira e la konstitusional, legais no rejimentais”, Hateten Vise xefe bankada CNRT, Patrocino Fernandes ba jornalista sira liuhosi konferensia imprensa iha bankada CNRT Parlamentu Nasionál, Kinta (21/05).
Nia hatutan, bankada CNRT, UDT/FM no PUDD foti pozisaun sei la partisipa aktividade saida deit konvoka hosi Presidente Parlamentu Nasionál eleitu ilegalmente, Aniceio Guterres, hafoin desizaun hosi Tribunal Rekurso.
“Ami konsidera konferênsia lideres Bankadas no konvokasaun plenária iha loron 18-19 fulan Maiu hodi troka atual Presidente Parlamentu Nasionál Arão Noé de Jesus da Costa Amaral nu’udar aktos illegal, tanba la tuir Konstituisaun lei no Rejimentu PN nian. Ami hato’o ona denúnsia de krime ba Ministériu Públiku kona-ba aktos ilegais ne’ebé mak deputadus FRETILIN, PLP, KHUNTO inkuli deputadu PD naih-hat (4) komete iha uma fukun Parlamentu Nasionál”, dehan Patriocino.
Nia esklarese, “Ohin loron 21 fulan Maiu, ami hatama ami-nia Rekursu ba Tribunal de Rekusu kona-ba Presidente Parlamentu Nasionál Sr. Aniceito Guterres ne’ebé mak eleitu ho maneira ilegal ka la tuir rekejitu sira konstitusionais, legais no rejimentu Parlamentu nian”. Uar
