FEATUREDIkus LiuNewsSeguransa

Servisu Imigrasaun, FM V-MI Kontinua Politiza Setor Seguransa

Fahe Tutan

Naunil Média (Dili), Monitorizasaun Fundasaun Mahein (FM) identifika Vice-Ministru Interior (V-MI) Antonio Arminido kontinua politiza seitór seguransa, Iha Vaga servisu imigrasaun rai liur, Husu ba Parlamentu Nasionál atu bolu urijente Ministru Interior ho Vise Ministru Interior.

Maske kompetênsia Vise-Ministru Interior nian limite de’it ba asuntu sira administrasaun tuir Despacho Ministro Interior N. 062/MI/VII/2020 loron 22 Jullu 2020.

Maibé Vice-Ministru Interior koko haksoit sai husi kompetênsia sira ne’ebé atribui ba nia no ignora tiha Despacho Ministru Interior, Aktuál Primeiru Minsitru Taur Matan Ruak, nia Despacho N.° 062/MINI/2020 loron 22 Jullu 2020.

“Foin daudaun Ministeru Interior fo sai vaga ba adidu servisu imigrasaun nian iha rai liur ne’ebé vaga sira ne’e priense on aba ambitu desiaun MI nian, Nune’e iha kazu ne’e FM identifika V-MI kontinua interven no nomeia ema hirak ne’ebé priense vaga adidu imigrasaun iha rai liur la tuir meritu profesionais servisu imigrasaun nian,” Dehan Diretór ezekutivu FM João Almeida, liu husi konferensia press, ba Jornalista sira, iha salaun, FM segunda (27/09)

Nia hakutir, Nomeasaun prense vaga adidu Portugal, Singapura, Australia, Indonesia, nomeasaun ba adidu imigrasaun laiha kursu ruma koñesimentu ironiku.

“ V-MI halo nomeasaun ba adidu migrasaun liu-liu agente sira ne’ebe hanesan nomeia ba adidu migrasaun nian, Ami nota katak  laiha kursu ruma ho konesementu no ironiku liu tan balu komete hela krime no hetan ona sansaun disiplinar husi MI maybe kontinua nomea ba adidu hodi reprezenta no hala’o funsaun sira Servisu Migrasaun nian iha rai liur,” Tenik nia

João afirma, Adidu Migrasaun ba Konsuladu Bali, nomea ajente migrasaun ida ne’ebé komete hela krime no hetan ona medida disiplinar husi MI iha Interinu Filomeno Paixão nia tempu, no hasai ona husi Servisu Migrasaun, Maibé V-MI Antonio Armindo nomea fila-fali sai hanesan adidu Migrasaun nian ba Konsuladu Bali.

Nune’e mós adidu Migrasaun ba Portugal, nomea ajente polisia ida husi Kuartel Jeral Polisia Nasionál Timor-Leste, (PNTL), no la iha kursu ruma liga ho migrasaun nian. Adidu Migrasaun ba Singapura no Darwin-Australia nomea ema foun ida ne’ebé la iha kursu ruma kona-bá servisu Migrasaun nian.

FM rekomenda Parlamentu Nasionál komisaun B bolu urgenti MI no V-MI responde perante komisaun B konaba asuntu ne’ebé deskreve iha leten no komisaun B tenki ativu mós halo fiskalizasaun ba servisu migrasaun ne’ebé V-MI politiza bodi servi de’it ba interese partidaria. LTS

Leave a Reply

Your email address will not be published. Required fields are marked *