PR Horta: Eventu Festival Múzika Dadaun Ne’e Hanesan Teste

Naunil Media (Ataúro), Prezidente Repúblika (PR), José Ramos Horta hateten eventu festival múzika no kultura Ataúro dadaun ne’e hanesan teste ida para depois halo apresisaun no avaliasaun saida mak diak liu.

“Tinan oin mai sei halo tempu, mas sei halo hanesan fulan Juñu ka Jullu- Agostu laiha problema udan i sei halo ho tempu para halo pakote, ita halo dadaun ne’e hanesan teste ida para depois apresisaun, avaliasaun saida mak di’ak liu”, dehan Xefe Estadu ba jornalista sira bainhira partisipa kompetisaun Natasaun iha Beloi, Kuarta, (23/11).

Horta hatutan di’ak liu tinan foun mai ne’e sei halo pakote ho agensia viajen, Austrália, Singapura, Indonézia para turista sira mai durante tempu ne’e no turista sira mai husi Bali ka Austrália sira hakarak mai Ataúro maibé, iha ne’e mós iha programa ba sira.

Purtantu ho tempu prepara di’ak liu halo promosaun tanba halo pakote ida mai Timor tenke tempu pelumenus fulan 6 antes tenke sai ona iha programa agensia viajen sira ne’ebé iha li’ur ne’e para sira faan bilete hanesan iha Bali mai Timor halo pakote ida de’it, hanesan mós iha darwain mai Dili mós pakote ida.

Tuir Nia hanesan programa Natasaun, kurrida Bisikleta labarik, joven sira no joven balun halo traking iha foho leten ne’ebá la’o kuaze oras lubuk ida kuaze 30 ital kilometrus no aproveita haree situasaun komunidade moris iha izoladu.

Xefe Estadu hateten aspetu balun programa hanesan Natasaun, kurrida Bero, interteinamentu ne’e atu priense programa hotu-hotu di’ak buat ne’e simples la’ós hanesan kompetitivu nasionál tantu halo parte programa ida kompletu ke nakonu inklui hanesan horseik haree feira do livru.

“Buat ida ita haree kultura da leitura para atu festival sira ne’e ita tenta halo pedagojia ba meu ambiente, pedagojia ba ai-han lokál Timor nian, aktividade hirak ne’e hola parte programa prinsipál múzika no kultura”, katak Xefe Estadu.

Nia dehan aktividade sira ne’e parte programa múzika kultura Ataúro hanesan interteinamentu tanba programa sentrál mak kultura, múzika mós hola parte iha kultura, dala ruma múzika la hola parte kultura Timor, tanba iha festival ida dala ruma bele dahur, Rock, Pop Múzika ne’e duni kultura múzika ne’ebé Timorense, kultura ne’ebé Timorense maibé mós halo desportu balun hanesan interteinamentu.*Jos