Traballdor Timoroan Ida iha Koreia Nai Bolu Ona
Naunil Media (Díli), Diretór Direção Nasional Emprego Exterior Filomeno Soares hateten, Traballador timoroan ida iha Koreia ho naran João Lukas Assunção hakotu iis iha iha loron 29 fulan Maiu tinan2022, oras 5:00 dader san, tanba moras ran midar ho hipatitis.
“Ita hein resultadu husi adidu no mós ita nia embaixadór sei halo preparasaun administrasaun oinsa buka aviaun bá tula matebian mai Timor-Leste”, dehan Diretór Filomeno hafoin despedidade traballador Austrália ba jornalista sira iha ETDA, tersa (31/05).
Nia afirma, Matebian mai hosi Munisípiu Ermera Lete-Foho, Suku Haupu, Aldeia Lutlala, Matebian serbisu iha área peska, Koreia Súl iha empreza Daecheon Flavored Seaweed , hahú iha loron 05 Juñu 2021 no tuir kontratu sei ramata iha loron 05 juñu 2024.
“Nia bA ne’eba mak nia hetan moras, servisu fulan rua mak nia foin hetan moras ida ran midar ho hipatitis ida ne’e mak sofre”, katak nia.
Ami husu ba família pasensia ituan governu sei buka dalan nei-neik lori mate isin mai Timor-Leste,hakotu nia. Ana
