MAP Garante Produsaun Agrikola Rai-Laran Hasoru COVID-19

Naunil Media (Díli), Ministériu Agrikultura no Peska (MAP) garante produsaun agríkola iha rai-laran durante luta hasoru surtu COVID-19 iha Timor-Leste.

Ministru Agrikultura no Peska, Joaquim José Gusmão dos Reis Martins, informa, durante ne’e MAP iha servisu ne’ebé mak besik ho Ministériu Kordenadór Asuntu Ekonómiku (MKAE) inklui Sentru Integradu Jestaun Krize (CIGC-sigla português) hodi ko’alia no mós halo opsaun hotu atu garantia ai-han iha rai-laran.

“Atu hateten katak MAP nia estensionista, tratorista no funsionáriu sira iha munisípiu to’o nasionál prontu tebes atu servisu hodi kombate COVID-19 liu hosi garantia produsaun agríkola ba ita-nia rain”,  Ministru Agrikultura no Peska, Joaquim José Gusmão dos Reis Martins, iha Parlamentu Nasionál. Kinta (16/04).

Nia relata mos, MAP halo ona projesaun ba hare no tuir projesaun, koilleta iha Abríl bele atinje to’o tonelada 607 hare no konverte ba fós karik sai tonalada 4.200.

“Iha mós relatóriu husi tékniku sira ne’ebé maka iha kampu, katak husi kolleita hare iha tinan kotuk (2019) nian. sei disponível iha kampu hamutuk hare tonelada 578. bainhira konverte ba fós hamutuk tonelada 947. Meiu atu hasai produsaun iha CIGC, maka Jerál Agrikultura ne’ebé lidera husi ekipa tékniku seguransa MAP. Liu hosi Diresaun alimentár hodi fó hanoin ba analiza seguransa alimentár iha rai-laran durante hasoru COVID-19”, relata governante ne’e.  

Governante ne’e relata liu tan, “MAP prepara ona intervensaun maka’as iha Kosta-Súl ba segunda époka no proposta ba orsamentu preparadu ona no entrega ona CIGC no MKAE atubele hetan konsiderasaun. Ba époka daruak ne’ebé maka rekerre ba fundu COVID-19 ba époka daruak ne’ebé maka rekerre ba fundu COVID-19 nian, MAP hakarak halo intervensaun iha Kosta-Súl ba natar hamutuk hotu etare 5.570 ho produtividade tonelada 3,5 ba kada etare, ne’ebé. maka halo estimasaun atu bele hetan haree hamutuk hare tonelada 19.495, konverte ba iha fós karik sei hetan tonelada 11.600”.  

“MAP mós halo intervensaun ba toos hodi kuda batar ho ninia produtividade tonelada 2,5 ba kada hektare no ba iha hetare 6.500 iha Kosta-Súl ne’ebé maka projesaun atu hetan batar tonelada 6.250 iha époka daruak nian.Previzaun ba époka daruak iha fulan-agustu nia laran. Intervensaun ida-ne’e nesesita tebes intervensaun lalais.  tanba époka daruak komesa iha fulan oin, karik fundu COVID-19 disponível ona, maka MAP husu atu fó prioridade ba iha MAP atu nune’e bele mobiliza ona mákina, fini, adubu, konbustível ba tratór atu halo intervensaun lalais iha Kosta-súl iha époka daruak nian, karik tarde époka ne’e liu tiha. tanba MAP servisu iha époka, ita labele prodús iha époka daruak nian”, infroma Nia.

Ikus liu Ministru ne’e dehan, MAP liuhosi loja Agrikultór rua ne’ebé mak estabelese ona iha Dili, sei asegura no mantein nafatin sustentabilidade ai-hán no mós ba merkadu nia.ne’ebé maka produtu órtikultura no ai-fuan sira ne’ebé mai husi Minisípiu sira, loja agrikultór mobiliza no transporta nafatin produtu sira ne’e hodi abastese nafatin ba merkadu iha Dili. Ba oin, karik Estadu deside lockdown totál hodi hotu la bele sai, ema Ba oin. karik Estadu deside lockdown totál hodi ema hotu labele sai ba loja agrikultór mós dezeña mós opsaun delíberu ida ba iha uma ne’ebé mak hakarak. Ana