DesportuFEATUREDIkus LiuNews

Korea-Sul ho SEJD Asina MoU Atu Moderniza Futeból no Harii Sentru Treinamentu

Fahe Tutan

Naunil Media (Díli), Tersa (17/11) ne’e, Governu Korea-Sul liu-husi nia embaxadór iha Timor-Leste, Kim Ki-nam ho Sekretáriu Estadu Juventude no Desportu, Abrão Saldanha ‘Noko Siku’, sira asina Nota Intendimentu (MoU-Sigla Ingleh) ba koperasaun servisu moderniza desportu futeból no harii sentru treinamentu iha Timor-Leste.

“Ohin ami asina nota entre SEJD ho embaixada Korea, kona-ba modernizasaun liu-liu ba area desportu futebol nian, harii sentru iha Timor-Leste”, Embaixadór Korea-Sul mai Timor-Leste, Kim Ki-nam ba jornálista sira iha SEJD, Sional Lesidere, Tersa (17/11).

Projetu ne’e sei halo ho KOIKA ninian iha area desportu futeból maibé iha mós ba koperasaun area Taekwondo.

“Ami (Korea-Sul) bele lori treindór taekwondo mai eleva liu-tan, atleta taekwondo Timor”, tenik diplomata ne’e.  

Iha fatin hanesan Sekretáriu Estadu Juventude Desportu, Abrão Saldanha, konsidera selebra akordu refere momentu ne’ebe importante no espera bele servisu hamutuk di’ak ba atinji objetivu no metas.

“Embaixadór ida agora atu fila ona aban, tanba atu fila ona entaun finalize tiha buat ne’ebé nia inísia ka serteza. Ohin halo de’it nota de intensaun, kona-ba prozetu dezenvolvimentu sentru Juvenil ba área futeból nian”, dehan Governante ne’e.  Dvo

Leave a Reply

Your email address will not be published. Required fields are marked *