Igreja Katólika Apoia Espiritual Ba Governu Kombate COVID-19 Iha TL

Fahe Tutan

Naunil Media (Díli), Arsebispu Metropolitanu Díli, Dom Virgílio do Carmo da Silva, SDB, hateten parte igreja katólika apoiu espiritual ba governu hodi kombate COVID-19 ne’ebé iha Timor-Leste (TL).

Arsebispu Metropolitanu Díli, Dom Virgílio do Carmo da Silva, SDB, ba jornalista sira liuhosi komunikadu imprensa, iha Camara Ecleciastica Licedere, Tersa (28/04).

“Ohin ami halo enkontru iha  deoseze  nian ne’ebé ha’u simu informasaun hosi sentru integradu jestaun krize (CIGC-Sigla Português). Husu ajuda ba igreja atu fó apoiu moral, espiritual no piskologika ba maluk sira ne’ebé mak sei iha fatin kuarentena laran, tanba ne’e ami tuur hamutuk hodi forma ekipa no sei aprezenta ba governu”, informa, Dom Virgílio.

Arsebispu Metropolitanu Díli, Dom Virgílio do Carmo da Silva, SDB, hatutan estensaun ba estadu emerjésia ne’e nesesariu hodi halo prevensaun ba COVID-19 iha Timor-Leste  tanba númeru kazu mós aumenta.

“Ha’u hanoin ita nasaun ne’ebé ki’ik no ki’ak, ita  iha kilat úniku hodi hasoru COVID-19 mak tenke kompri regras prenvensaun ne’ebé governu fó sai  ona tan ne’e sidadau hotu tenke kumpri”, tenik na’I lulik ne’e.

Dom Vírgilio haktuir, “Amu Papa fó apelu ba sarani katolika sira hotu katak halo devosaun reja tersu ida ba kombate  COVID-19 ne’ebé mak ohin loron espalla ba mundu tomak”. Pau

Leave a Reply

Your email address will not be published.