CIGC Husu Sidadaun Apoia Ba Governu Kombate COVID-19 Iha TL
Naunil Media (Díli), Liuhosi Sala Situasaun, Porta voz Sentru Integradu Jestaun Krize (CIGC-Sigla Português), dr. Segio Lobo, apela ba sidadaun hotu iha teritóriu tomak fó nafatin apoiu ba governu konstitusionál da-ualu ne’ebé lidera hosi Primeiru Ministru, Taur Matan Ruak hodi kombate problema Surtu COVID-19 iha Timor-Leste (TL).
“Husu ba públiku atu fiar nafatin Governu ne’ebé agora lidera prosesu prevensaun no mitigasaun moras COVID-19”, hateten dr. Sergio Lobo, liuhosi konferénsia imprensa iha Centro de Convençoões de Díli (CCD), Tersa (21/04).
Dr. Sergio Lobo, enkoraja tempu reziténsia Timor-oan hamutuk luta ba manán ninian indepenensia, nune’e husu atu Timoroan hamutuk fila fali ho Governu lideradu hosi Primeiru Ministru, Taur Matan Ruak hodi luta kontra corona virus ne’e.
“Kontribuisaun komunidade sira nian maka atu fiar deit ba informasaun atuál no kredivel ne’ebé fó sai hosi Sala Situasaun Sentru Integradu Jestaun Krize hodi evita boatus ba kontribui kombate hasoru surtu COVID-19. Ita hotu kolabora no disiplina iha distansiamentu sosiál, túr hakmatek iha uma, fase liman bei-beik, tau maskra bainhira ba iha fatin públiku, liman labele kona inus, labele kona ibun no oin bainhira seidauk fase. Bainhira halibur malu labele liuhosi nain lima ba leten, tanba ita hatene moras COVID- 19 ne’e lahanesan ho moras bai-bain no fásil los atu da’et ba ema seluk”. Apela Nia. Ana
