Negosiante Sira Iha Munisipíu Lautém Hakilar “Ami Sei Mate Tan Hamlaha, La’ós Tan COVID-19”

Fahe Tutan

Naunil Media (Lautém), Negosiante sira balu hosi Munisípiu Lautém, hakilar, katak durante periodu estadu emerjénsia ne’e, sira sei mate tan hamlaha, maibe la’ós tan Corona Virus Desease 2019 (COVID-19).

Lian halerik ne’e, relasiona situasaun estadu emerjénsia ba prevensaun no kombate COVID-19 ne’ebé dadaun ne’e estadu Timor-Leste implementa, maibe negosiante sira sente sai vítima no laiha rendimentu di’ak kompara ho situasaun normal.

Negosiante Ki’ik iha Merkadu Sentrál Lospalos, Alberto da Costa Gama, hateten iha situsaun Surtu COVID-19 ne’ebé invade kuaze ba nasaun hotu-hotu inklui iha Timor-Leste (TL) hodi implementa estadu emerjénsia ne’e, povu sente sai vítima no sei mate ba hamlaha, maibe la’ós ba virus global ne’e.

“Ami vendedór sira sei mate ba hamlaha, la’ós mate ba corona virus (COVID-19), tanba la hetan rendimnetu hodi sustenta família uma laran”, Negosiante Ki’ik, Alberto da Costa Gama, ba Naunil Media iha Merkadu Sentrál Lospalos, Tersa (21/04).

Nune’e Negosiante ne’e, husu ba governu tenke fó atensaun ba preokupasaun povu ki’ik sira.

“Iha estadu emerjénsia ida ne’e, ema hotu halo prevensaun hodi labele hala’o atividade, liu-liu loja Nain sira, ita halo prevensaun ba Surtu COVID-19 hodi prevene-an hosi virus ne’e. Maibe, hanesan vendedór oinsa mak ami bele moris se bainhira lahetan rendimentu hosi atividade negósiu, tamba agora merkadu no loja mos balun taka, ema mós menus ona hola sasan oinsa mak bele moris”,  teniak negosiante Alberto.  

Iha fatin hanesan, Vendedór Henrique Ximenes, reforsa dadaun ne’e povu sira terus liu iha estadu emerjénsia,  tanba  durante ne’e lahetan rendimentu ruma hosi sira nian atividade fa’an.

“Atu  halo prevensaun iha estadu emerjénsia ne’e, hodi prevene an hosi COVID-19, maibé prevene to’o COVID-19 seidauk afeta mai ami. Ami mate ona ba hamlaha. Ita sente estadu dekreta estadu emerjénsia ne’e di’ak ba povu, maibé tenke haree mós ba povu nia moris, tanba ami povu barak mak moris ho vida agrikultura no moris ho fila-liman”. Dehan nendedór Henrique.

Iha loron 27 fulan Marsu, Prezidente Repúblika Francisco Guterres ‘Lú Olo’ deklara estadu emerjénsia, hafoin Parlamentu Nasionál a-favór ho unanimidade hodi fó autorizasaun ba Xefe Esta Lú Olo dekreta, nune’e bele hala’o distansia social núdar meiu ida prevensaun ba COVID-19 iha Timor-Leste. Estadu emerjénsia entre ein vigor iha loron 28 fulan Marsu hosi oras 00:00 to’o 26 fulan Abríl oras 23:59 remata. Latu

Leave a Reply

Your email address will not be published.