Subsídiu ba Estudante, Joselino: Serka Sanitária La’ós Estudante De’it Mak Sofre
Naunil Media (Díli), Relasiona proposta Partidu Demokratiku (PD) husu governu fó subsídiu $200 ba estudante hela iha kost sira, Estudante Universidade Díli (UNDIL), Fakuldade Direitu, Departamentu Siénsia Direitu, Joselino Costantino Pereira deklara povu Timor- Leste sofre ba implementasun Serka Sanitária la’ós estudante de’it.
Estudante Universidade Díli (UNDIL), Fakuldade Direitu, Departamentu Siénsia Direitu, Joselino Costantino Pereira ba Naunil Media liuhusi via telefone, segunda (26/04).
“estadu emerjénsia ba dala 11 no 12 no aplika ho serka sanitária, situasaun dilematika ba estadu ida ne’e, situasaun COVİD-19 iha Timor-Leste la’ós de’it estudante sira mak sofre, maibé sosiedade tomak iha Timor-Leste sofre hotu”, dehan Joselino.
Joselino dehan, iha loron 4 fulan abríl 2021 TL afeita makas husi natureza hodi hamosu inudadsaun kuaze iha munisípiu hotu, liu liu iha kapaital Díli, ne’ebé mak sai preokupasaun bo’ot tebes ne’e la’os estudante mesak, kuaze 88% mak komunidade sofre ba inudasaun.
Joselino Argumenta, sé deputadu sira mak sai sira-nia osan mensal hodi selu estudante sira ne’ebé mak sofre iha serka sanitária iha Díli ne’e bele. Maibé foti fali osan estadu nian mak selu fali estudante ne’e halo ona diskriminasaun ba povu tomak tanba durante SS ne’e povu tomak sofre hotu.
“Se nudar estudante labele hanoin de’it mak osan, estudante bele kritika hodi espresa opoiniun, bazeia ba artigu 40 ne’ebé mak iha konstituisaun repúblika demokrátika Timor-Leste, ne’e livre atu bele espresa opiniaun, maibé tenke fó solusaun ruma ba governu.
Saida mak governu responde ona antes ne’e Ministéiru Ensinu Superior Siensia no Kultura (MESSK) konvoka ona ho reitor sira hodi ko’alia kona-bá estudante sira ne’ebé hela iha kost, tenke swap hotu mak ministeiru ensinu supeiror mak bele fasilita tranporte hodi lori estudante sira bá nia hela fatin”, nia hato’o.
Nune’e mós nia dehan, governu suspende prosesu aprendisazen tanba kauza transmisaun lokal pandemia Covid-19 no kria tan serka sanitária no aplika aula online maibé la benefisia ba estudante sira.
“Durante eskola online iha SS ne’e la benifisia tanba redi internet, hanesan Timor Telekom, Telemor, Telekomsel ninia redi internet ne’e falansu tebes ba estudante sira hotu uza iha eskola online susar atu hetan osan hodi responde ba aula online tanba uza mós pulsa, ida ne’e tenke presiza hatene”. Tenik nia.Lop
