Paixão Fó Pose ba Dirijente MD Nain Uaalu Tuir Méritu
Naunil medeia (Díli), Segunda (09/11) ne’e, Ministru Defesa (MD) Filomeno Paixao de Jesus fó pose ba dirijente sira Ministériu Defaza (MD) hamutuk nain ualu (8) tuir méritu.
Ministru Paixão, informa pose ba dirijentes nain 8 kompostu husi inspektór nain ida (1), xefe gabinete jurídiku no diretor nasionál nain neén (6), sira ne’e bazeia ba méritu.
“Ami propoen ba funsaun públika no ita hamutuk mak loke konkursu ba públiku, konkorente sira tuir no rezultadu mak ida ne’e”, esplika membru governu konstitusionál da-ualu, ba jornalista sira, iha semónia toma pose kargu xefia sira iha Ministériu Defeza, Fatuhada.
Governante ne’e, hatutan Funsaun Púbilka bolu atensaun ba sira liu-liu diretór nain rua mak toma ba polítika internasionál tenki aprezenta no kordenasaun di’ak ho servisu sira seluk.
Nia dehan, MD presija hadi’ak iha parte lojístika tanba komisariu husi funsaun públika bolu atensaun kona-ba uzu bems estadu nian.
“Ita uza ho proposional no uza tuir buat ne’ebé lei hatete, nune’e ha’u mós ohin bolu atensaun ba iha parte aprovizionamentu, para ita halo buat hotu-hotu tuir prosedementu sempre fó opiniaun ba jurídiku sira, tan ne’e ohin ita bolu atensaun”, afirma Nia
Serimónia toma pose ne’e, hetan partisipa husi entidade Funsaun Públika, Ministru Defeza, Emposados no Amu Parokia Igreja Balide. Flo