2021 MD Sei Harii Sede Autoridade Marítima
Naunil Media (Díli), Ministru Defeza (MD), Filomeno Paixão De Jesus, informa Orsamentu Jeral Estadu (OJE) 2021 Minitériu Defesa (MD) sei harii sede Autoridade Marítima nian ne’ebé sei hamutuk ho komponente Naval iha Hera.
Ministe Defeza (MD) Filomeno Paixao de Jesus ba jornalista sira iha serimónia toma pose, iha Ministériu Defeza, Fatuhada, Segunda (09/11).
“Ita tau ona osan ba iha tinan 2021, para atu haree fatin ba autoridade marítima tanba ita preokupa autoridade maritime ninia sede, tanba nia sede provizóru sei iha Ministeiru Defeza, ita hanoin estabelese hamutuk ho komponente naval iha Hera. Osan iha halo infrastrutura ne’ebé tinan oin ne’e halo ona sede komponente naval no sede autoridade maritime”, dehan ministru Paixão.
Ministru Paixão hatutan, ba iha autoridade maritima ne’e kompostu husi diretór jeral ho doretór no funsionariu sira. Institutu nasional defeza ne’e iha Ministéiru Defeza nian okos, maibé sira iha osan rasik.
“Autoridade maritima ne’e tenki iha finansiamentu rasik, ami propoen ne’e ho faze halo gradualmente iha ona sede maka, ami haree no bele iha mós adentimentu ita sei kria infrastutura no rekursu humanu, ita iha rekursu umanus mak foin bele halo buat sira ne’e. iha parte milítar ita la rejistu iha instituisaun no interektoriais”, Tenik Paixão. Flo
