Kondisaun Igreja Parókia Uatolari Grave
Naunil Media (Uatolari), Parde Pároku Nossa Señora do Rosario de Fatima Uatolari Pe. Petrus Day, SVD, hateten igreja Uatolari ne’ebe sai hanesan sentru ba sarani Uatolari, maibé dadaun ne’e igreja refere kondisaun grave no lafavoravel ba sarani sira utiliza halo orasaun loron-loron.
Parde Pároku Nossa Señora do Rosario de Fatima Uatolari Pe. Petrus Day, SVD, haktuir Parokia Nossa Señora do Rosario de Fatima Uatolari lokaliza iha Postu adiministrativu Uatolari, Munisípiu Viqueque no igreja ne’e konstrui iha Pe. Andreas Hane SVD nia tempu hahú kontrusaun iha loron 11 fulan fevereiru tinan 1990 no finaliza kontrusaun iha loron 13 fulan Outonbru tinan 1992, hetan inagurasaun hosi Bispu Adiministradór Apostolika Díli, Bispu Dom Carlos Filipe Ximenes Belo, SDB, no governadór Timor Timur, Abilio José Osório Soares.
“Igreja ne’e uluk ita haree furak los, maibé agora kondisaun aat los. Durante ne’e ami halo proposta barak hodi husu ajuda ba governu no deosese Baucau maibé laiha resposta to’o agora. Iha tinan rua liu bá ami forma tiha komisaun hodi prepara ba reabilita fila-fali igreja, nune’e ami tama sai suku hodi husu sarani sira hodi fó kontribuisaun, maibé to’o agora kontribuisaun lima sem ida mós seidauk halibur, tan ne’e mak seidauk reabilita igreja ne’e. atu hanoin reabilita igreja ne’e ha’u sente araska los tanba laiha finanseru”, informa Padre Pároku Nossa Señora do Rosario de Fatima Uatolari Pe. Petrus Day, ba Naunil Media iha rezidénsia parokia Uatolari, suku Matahoi, Kinta (04/06).
Tuir Pe. Petrus, katak idade igreja kuaze tinan 28 ona no agora dadaun fizikamente kondisaun uma nian komesa aat ona, bainhira iha tempu udan been tun, iha uma leten, tun tama iha uma kreda laran, liu-liu iha tempu misa.
“Maibé ha’u hanoin ba oin sei halibur fila-fali komisaun sira para bele tama sai suku hodi husu kontribuisaun ba sarani sira. Reabilita igreja ne’e presiza tebes sarani sira hotu nian” tenik Pe. Petrus.
Amu Pároku ne’e esplika liu-tan, kondisaun fíziku uma nian komesa husi kalen, plapon kuaze aat no monu tun barak ona, tempu udan been tun tama liu iha uma kreda laran, liu-liu iha tempu misa susar tebes ba sarani sira ne’ebé partisipa iha misa afeta liu. Ho kondisaun igreja ne’e difikulta tebes ba sarani sira liu-liu ba sarani parokia Uatolari. Bainhira dan boot no anin boot sarani sira tauk tebes tanba kondisaun uma kreda ne’ebé grave, tauk uma monu ba sarani sira nian leten.
Igreja Parokia Nossa Señora do Rosario de Fatima Uatolari konstrui tempu okupasaun Indonesia ita tinan 1990 to’o remata iha tinan 1992. Den
