Fundasaun Mahon Konsidera Polítiku Sira Uza Joven ba Interese Ukun
Naunil Media (Díli), Diretór Fundasaun MAHON Angelo Fernando Ximenes, Konsidera Partidu polítiku sira labele uza de’it joven sira iha tempu kampaña hodi hetan de’it ukun, haluha thia joven sira nia direitu, barak mak buka moris iha ema nia rain.
“Hodi atinji sira nia objetivu atu ukun no hetan benefisiu, depois atinji tiha wainhira sira ukun haluha tia joven sira, tanba esperiensia tinan 20 resin ona maioria joventude Timor-Leste haksoit hotu ba rai liur buka servisu, tanba servisu iha rai laran laiha tantu atu halo de’it masa (buruh kasar) de’it tebe-tebes mós laiha”, dehan Diretór MAHON Angelo Fernando Ximenesba jornalista sira iha nia knaar fatin Ex-Heliport Bairo-Pite, kinta (10/03).
Nia hatutan, Kampaña durante ne’e maioria joven barak mak partisipa no dala ruma militantes sira hetan dezastre hanesan konfrontru entre militantes partidu polítiku sira, tuda malu, trata malu no rai odiu ba malu, maibé to’o ikus depois de hetan fiar no ukun lideres partidu polítiku sira la konsidera jovem sira nia nia luta durante kampaña hodi lori vitoria ba sira.
Nia parte husu ba joventude sira iha Timor-Leste atu foka ba ida-idak nia atividade, prioritaria hodi sustenta moris lor –loron no akompaña dei’t kampaña iha media.
“Joventude sira iha Timor-Leste atu foka ba ida-idak nia atividade prioritaria sira hanesan asesu ba edukasaun, estuda/aprende, halo toos ou natar, dezenvolve kreatividade inovativa hodi kria servisu ba-an rasik no labele lakon tempu ba kampaña”, nia hakotu. Ana
