Governu Preve 9 Milloens ba Eleisaun Presidensiál
Naunil Media (Díli), Governu Preve orsamentu 9 Milloens ba eleisaun Presidensiál.
Tuir Ministru Administrasaun Ministrasaun Estatal Miguel Perreira Carvalho informa, Parlamentu nasionál aprova orsamentu 9 milloens hodi realiza eleisoens presidensiais ba pimeira ronda no karik iha segunda ronda utiliza osan ida 9 milloens ne’e.
“Iha despezas balu halo iha primeira ronde no karik iha segunda ronde ne’ebe sei halo despezas sira ne’e mak osan 9 milloens ne’e, agora balu ouviamente despezas ba rai liur no rai laran, agora maioria parte husi despezas sira ne’e halo liu iha rai laran, tanba ita nia eleitor sira iha rai liur ne’e liu 7 mil, oituan entretantu iha rai laran ne’e hanesan ita haree dadus ne’ebé mak fó sai husi STAE 859,613 mil entaun despezas sira ne’e ita halo barak liu iha rai laran, dehan Ministru Administrasaun Estatal Miguel Perreira Carvalho jornalista sira iha Hotel Timor, kuarta ( 9/03/).
Nia hatutan, Iha rai liur funsiona sentru votasaun hamutuk 9 hanesan iha Yuque, Irlandia Norte, Portugal, Corea, no Austrália. Governu iha tinan ida ne’e sei halo eleisaun iha fatin-fatin sira ne’e, no Governu Timor-Leste hanesan orgaun ida ne’ebé mak responsabilidade maxima ne’ebé tutela sekretariádu administrasaun estatal fó ona instrusaun ba STAE atu realiza eleisaun iha Austrália.
Iha loron 19 fulan Marsu eleisaun sei halao mós iha Austrália iha segunda-feira tuir planu STAE nian, Ministeiru Negosiu Estranjeiru no dilpolamta sira sei halo viajem ba sentru votasaun 9 ne’ebé mak iha rai liur no inklui mós Austrália, para realiza eleisaun ida ne’e mak Governu komprometidu atu halo hamutuk ho oragaun ne’ebé mak tutela iha STAE, Nia hakotu. Flo
