Istória Balibo Five Labele Lakon

Fahe Tutan

Naunil Media (Bobonaro), Administradór Munisípiu Bobonaru, Jeferino Soares Dos Santos, hateten istoria trajédia jornalista nain lima (5) mate iha Balibo labele lakon iha jerasaun foun, tanba ne’e sujere Governu harii netik monumemtu ida  ba jornalista nain lima.

Administradór Munisípiu Bobonaru, Jeferino Soares Dos Santos, hateten liu husi diskursu, iha selebrasaun aniversáriu Balibo Five, iha postu adiministrativu Balibo, Kinta (15/10).

“Balibo nian istória iha tempu invasaun Indonézia no ema kuiñese Balibo hanesan kota (sidade) integrasi. Maibe,  iha tempu  ne’e-bá hamosu istória ida ne’ebé halo povu Timór hotu-hotu triste ho istória jornalista nain lima mate. Ikus mai ita hanaran Balibo Five”, tenik Administradór Munisípiu Bobonaro, Jeferino.

Jeferino hatutan, iha istória jornalista Australianos mate iha Balibo Governu kria karik buat ida iha ne’e.

“Ha’u hanoin Balibo sai hanesan fatin istóriku ho maun bo’ot Ramos Horta no membru Governu sira tomak oinsa bele tau netik sinal (monomentu)  ruma hodi  bele hatudu istória ba jerasaun tuir mai bele hatene. Ami hatene katak governu iha nian pratika, atu harii monumentu no buat ruma ida ba esperansa ba povu Timór tomak hodi fatin ida ne’e, sai duni fatin istóriku”. Dehan Jeferino. Flo

Leave a Reply

Your email address will not be published.