FEATUREDIkus LiuNewsPolitika

Anacleto: Fó Fiar Sei Hametin Servisu diplomatiku

Fahe Tutan

Naunil Media (Liquiçá), Kandidatu prezidente partidu demokrátiku Repúblika Timor (PDRT) Anacleto Bento Ferreira katak, bainhira eleitu nu’udar prezidente Repúblika (PR), sei hametin servisu diplomatiku.

“Prioridade ita sei fó liu importánsia ba ema ne’ebé mak halo servisu diplomatika nian,  iha kareira no la’ós iha polítika, tanba iha polítika ita sei denunsiu diplomasia nian katak, ita atu tau ema lolos iha fatin lolos”, dehan kandidatu prezidente PDRT Anacleto Bento Ferreira ba jornalista hafoin halo Dortudor iha postu administrativu Bazartete Munisípiu Liquiçáa, sexta (04/3).

Kandidatu prezidente PDRT afirma, Tanba ne’e hanesan prezidente Repúblika sei evita maka’as tebes no sei halo tuir de’it saida mak governu ka partidu sira ne’ebé ukun,  atu halo proposta ka halo nomeasaun mai iha reprezenta diplomasia ou embaixador.

Enkuantu prezidente sei halo selesaun rigoroza, no sei apoiu governu maibé sei hili ema ne’ebé mak iha kareira diplomatika kedas, i ema ne’ebé hatene, sei halo servisu diplomasia nian, no la’ós lori de’it meritu polítika mak ba sai diplomatiku no embaixador, dehan nia.

“Ita haree tinan-tinan prátika ne’ebé mak la’o hela iha timor, partidu ne’ebé mak manan koloka nia ema ba embaixador sira ne’e la’ós ba mak aprende ingles no lian oin-oin iha ne’ebá, buat ne’ebé mak la los ona no la reprezentan ita nia Nasaun Timor-Leste”, katak nia.

Nia hatutan, Portantu prezidente Repúblika la tuir, no hahalok ida ne’e sei buka atu hadia i embora ida ne’e kompetensia ida espesifiku ba ministeriu negósiu estranjeiru,  ba orgaun ezekutivu nian, maibé komu prezidente mak tenki halo nomeasaun no fó kredensial ba sira.

Entaun Prezidente uja poder ida ne’e hodi obriga sira para hodi halo selesaun ida bazea ba meritu kareira nian, la’ós partidu nian, nia hakotu. LTS

Leave a Reply

Your email address will not be published. Required fields are marked *