PPN ho Membro meza Felisita Dom Virgílio
Naunil Medai (Díli), Segunda (20/06) ne’e, Prezidente Parlamentu Nasional (PPN), Aniceto Longuinhos Guterres Lopes hamutuk ho membru meza Parlamentu Nasional (PN), hakat ba Câmara Eclesiástica Arquididiocese Metropolitania iha Bidau, hodi felisita Dom Virgílio do Carmo da Silva, tanba nomeadu sai Cardeal husi Papa Francisco iha Vatikanu.
Hafoin hasoru malu, PPN, Aniceto Longuinhos Guterres Lopes, hateten em nome deputadu/a no funsiunárius tomak husi Parlamentu Nasionál núdar orgaun polítiku, reprezentante povu tomak hato’o pabens no kongratulasaun ba Dom Virgílio do Carmo da Silva, ne’ebé nomeadu sai Cardeal husi Papa Francisco iha Vatikanu.
“Parlamentu Nasional hato’o tiha ona votu de kongratulasaun iha 30 fulan Maiu tinan 2022 ne’e”, PPN, Aniceto Longuinhos Guterres Lopes, ba jornalista sira.
Sorumutuk refere , PPN, Aniceto, entrega mos mos rezolusaun votu husi Parlamento Naional ba ArseBispu.
“Hanesan orgaun politiku no representa povo tomak neebe povu Timor-Leste i maioria katolika sente orgulu ho nomeasaun amu Papa nian ba Bispo timor oan ida hetan nomeasaun kardial”, tenik nia.
Iha fatin hanesan, ArseBispo Metropolitania Dili, Dom Bispo Virgílio, apresia no agradese Parlamentu Nasional fó votu kongratulasaun.
“Hau iha loron ne’ebe amu Papa nebe nomea ba kardial, iha loron 29/05 kalan no loron 30 Maiu sira fo kedas votu kongratulasaun aprova ho unanimidade”, katak nia.
Nia dehan, hatudu ksolok ida ba povu no uma kreda timor manifesta liu husi reprezentante povu iha uma fukun PN.
Tuir planu, 22 Agostu tinan nee, Dom Virgilio do Carmo, sei desloka ba Roma hodi simu pose. Ana
