Manetelu Re-Eleitu Ba Prezidente Federasaun Shorinji Kempo Timor-Leste

Naunil Media (Díli), Miguel Marquês Gonçalves Manetelu Re-eleitu ba Prezidente Federasaun Shorinji Kempo Timor-Leste , ba tinan lima.

“Nu’udar prezidente konsellu jura ba Nai Maromak, Federasaun Shorinji Kempo Timor-Leste, honra katak  sei halo tuir lolos knaar ne’ebé  simu, halo tuir estatutu no regulamentu sira ho kapasidade tomak hodi kontribui sustentabilidade federasaun shorinji kempo Timor-Leste no hametin espiritu desportivu hodi kontribui unidade nasionál”, Dehan Prezidente Re-Eleitu Federasaun Shorinji Kempo Timor-Leste ba jornalista sira iha Hotel Lodge Comoro, sesta (03/12).

Nia hatutan, Sai sasin ba kempo no mós ba organizasaun hotu. haree ba kualidade kempo la iha intensaun atu hatete katak modalidade desportivu seluk la iha kualidade, maibé baihira temi kualidade Timor-Leste liu husi Kempo iha Sea Games tinan 2011 iha Jakarta, no iha tinan 2013 iha Mianmar konsege kontribui Medalia osan mean ba Timor-Leste.

Ne’e la’ós orgullu de’it ba kempo maibé orgullu ba timoroan, tanba halakon hela nasaun balu ne’ebe ukun an kleur ona iha Sudeste Aziátiku, orgullu bo’ot ba Nasaun Timor-Leste, Nia haktuir.

Prosesu hotu ne’ebé mak la’o iha ita nia rai ba dezemvolvimentu desportu mak Kempo loron ida modalidade seluk bele kontribui bele hetan osan mean barak liu, Nia enkoraja.

Estrutura parte ida atu lori organizasaun ne’e ba oin, estrutura ne’e ita forte, ita hotu la fó liman ba malu, la servisu hamutuk mesmu estrutura ne’e forte organizasaun sei la la’o ba oin, ne’ebé importante mak ita presiza servisu hamutuk, Nia hakotu. Emiji 1