Uma Komunidade 20, Iha Fomento-2 Sobu hosi Mota , Seidauk Hetan Apoiu
Naunil Media (Dili), Reprezentante komunidade husi aldeia Fomento suku Comoro Postu administrativu Dom Aleixo munisipiu Dili, Felisberto De Deus deklara to agora kuaze uma kain 20 ne’ebé hetan estragus husi dezastre naturais to’o agora seidauk hetan apoiu emerjensia ruma.
Komunidade husi fomento 2 deklara kestaun ne’e hodi husu ba governu liu-liu parte relevante atu ajuda sira hanesan mos vitima sira seluk ne’ebé mak hetan ajudus emerjensia hosi governu.
“Dezastre naturais ne’ebé akontese ami komunidade susar tebes ba ai-han no hela fatin, maibé to’o agora ami komunidade afetadu uma kain-20 seidauk hetan ajudus ruma husi governu ou entidades relevantes sira seluk,” komunidade ne’e deklara ba Naunil Media iha nia hela fatin fomentu 2, Domingo (11/04).
Nia deklara relasiona ho dezastre naturais ne’ebé akontese iha loron baluk liu ba sira nia sasan uma laran kuaze lakon hotu hanesan, sponja, jelera, no material uma laran nian inklui estudante balun nia Leptot.
“Ami nain-20 ne’e nia uma la konsege salva tanba ho korenti mota ne’ebé mak boot mak boot,” nia dehan.
Komunidade ne’e deklara relasiona ho dezastre ne’e to’o agora husi parte autoridade lokal seidauk rekolla dadus ruma.
Iha Biban ne’e nia parte husu ba governu ka sosiedade sivil atu ajuda uma kain 20 iha aldeia fomento 2 iha tempu besik.
Tuir dadus provizoriu husi Protesaun sivil kona-ba dezastre naturais ne’ebé akontese iha sabadu no dumingu loron 3 to loron 4 fulan abril, resulta ema nian-42 mak lakon vida inklui uma Rihun 10 mak hetan estragus. Cul
