PTR Deolindo: Orsamentu 2021 Sei Sosa Gravasaun Ba Tribunal Distrital
Naunil Media (Díli), Prezidente Tribunal Rekursu (PTR) Deolindo dos Santos, Hateten orsamentu 2021 sei tau atu sosa gravasaun simultania ba tribunal distrital Díli, Baucau, Suai, Oe-Cussi, no tribunal rekursu rasik.
“Orsamentu 2021 ne’e ita tau para sosa gravasaun simultania ho ida konferensia ne’e ba fatin haat Tribunal Díli, Baucau, Suai, Oe-Cussi, infelizmente ita konsege halo rua de’it, tanba orsamentu no ita halo iha Baucau ho Suai”, Dehan PTR Deolindo dos Santos ba jornalista hafoin sorumutuk ho Prezidente Repúblika (PR) Francisco Guterres “Lú-Olo” iha Palásiu Prezidensiál Nicolau Lobato Bairru Pite, segunda (06/12).
PTR hatutan, Tribunal distrital Suai laiha problema maibé problema mak iha tribunal distrital Oe-Cussi no Díli rasik, tanba iha julgamentu labele halo gravasaun no vidio konferensia.
“Suai agora laiha problema ona bele no la’o di’ak maibé problema ne’ebé iha mak Oe-Cussi ho Díli rasik Oe-Cussi ne’e hanesan ita bo’ot sira, hatene iha problema balun ne’ebé ita hasoru foin liu ba ne’e julgamentu ita labele halo ho vidio konferensia, tanba difikuldade ne’ebé iha hanesan aparellus, gravasaun, rede internet buat sira ne’e hotu ne’ebé ita tenta atu fó solusaun 2022 nian”, Dehan PTR
Deolindo hateten, Tribunal distrital Díli iha nesesidade duni ba ida ne’e mas komu tribunal ne’e rasik, nia edifisiu ne’e iha prosesu konstrusaun, tanba ne’e rezerva hela para halo nusa bainhira tribunal ne’e harii ona mak halo instalasaun iha prediu foun ne’e para buat ne’e dala ida de’it duké halo mall gastu
Nia esplika, Tribunal rekursu mós husu ona ba Parlamentu Nasionál komisaun A, para lori ba plenariu atu aprova orsamentu atu haree ba halo nusa mak atu sosa sistema gravasaun ba tribunal rekursu rasik. *Jos
