SEPS Monta Tenda ba Vitima Inudasaun iha kampu Real-Madrid Manleuana
Naunil Media (Díli), Xefí
Monitorizasuan Evakuasaun ba Sekretária Estadu Protesaun Sivil (CEPS-siglagés),
Mariano Lopes, Informa SEPS monta tenda provisoriu ba vistima afetadu inudasaun
iha kampu Real Madrid suku Manleuana ,postu administrativu dom Aleixu Munisípiu
Díli.
“Atu informa katak tenda ne’e hanesan patrimonia estadu nian, família sira
uza provizoriu de’it, bainhira to’o tempu hakarak reintegra fali ba família
,estadu iha dever mai foti fila fali tanba liu husi mekanismu asina deklarasaun
ida oinsa bele kuida no responsabiliza ba tenda ne’e.”Informa Mariano
lopes ba jornalista iha kampu Real Madrid Manleuna, tersa (25/05).
Nia hatutan, aktvidade ohin seps nian ne’ebe hetan apoiu husi governu australia, kontinua monta tenda provijoriu ba vitima sira ne’ebe afetadu ba inundasaun iha lorib 4 abril liu ba.
Iha fatin hanesan xefí aldeia lemokria Estaqui Tilman hatutan, tenda ne’ebé ekipa SEPS monta iha kampu Real Madrid hodi responde ba vitima sira nune’e bele aseugra husi udan no anin, tanba ne’e autoridade lokal agradese tebes ba governu Timor-Leste nia tulun.
“Iha determinasaun ba lona ne’ebé mak iha ohin ami monta no evakua sira mai iha kampu Real Madrid Manleuana, parte husi ami autoridade ami orgullu ,tanba durante ne’e sira dada de’it lona bainhain ne’ebe la merese ba sira atu hela ho familia maibe ho apoiu ne’ebe mai husi ita nia governu Timor-Leste bele ona apoiu ami, i sira bele iha ona mahon ho família hodi bele seguru ba udan no anin”, Dehan xefí aldeia.
Nia dehan, antes ekipa SEPS no vitima sira iha ona konkordansia wainhira vitima sira atu re-intrega ba família, tenke entrega fali tenda ba governu, tanba tuir akta ne’ebé antes ne’e asina ona husi vitima sira.
Nia tuir lista
ne’ebé SEPS simu total sentru evakuasaun hamutuk 53 maibé dadaun ne’e hela de’it
sentru evakuasaub 12 mak vitima sira sei nafatin hela provijoriu enkuantu
familia sira seluk bele re-intrega fila ba hela fatin.
Tuir Dadaun ne’e vitima balun sei kontinua nafatin hela iha fatin sentru
evakuasaun, sira ne’ebé governu preparadu hodi
hein governu nia tulun molok re-integra ba hela fatin ka família. Ipe
