Profesional Saúde 200 iha Munisipiu Lautém Sei Hetan Subsídiu
Naunil Media (Lautém), Diretór Servisu Saúde Munisipal Munisípiu Lautém, Bernardo Amaral Lopes, infomora iha Munisípiu Lautém profesionál Saúde hamutuk nain-200 mak sei hetan Subsídiu tuir kategoria rua, servisu esensial no servisu kombate COVID-19.
“Dadus sira ne’e hatama ona ba rekursu humanu Ministeriu Saúde (MS) nian no lori ona ba Ministériu Finansas (MF), maibe dadaun sei iha failansu husi konta bankaria sala númeru IBAN no to’o agora sei simu”, Diretór Servisu Saúde Munisipal Munisípiu Lautém, Bernardo Amaral Lopes, ba Naunil Media iha nia kna’ar fatin, Hamamoko, Sesta (26/06).
“Pesoál Saúde hirak ne’e tama kategoria iha 1, 2 no 3, depende ba servisu sira ne’ebe pesoál saúde sira hala’o durante emerjénsia relasiona ho COVID-19”, esplika Diretór ne’e.
Ikus-liu, diretór servisu saúde munisipal Munisípiu Lautém ne’e, dehan profesionál saúde sira iha munisipiu Lautém Postu Administrativu lima iha munisipiu Lautém, hanesan Luru, Lospalos, Lautém, Tutuala no Iliomar, servisu nafatin la’o diak maske iha difikuldade. Latu
