Veteranus Manufahi La- Menta, Veteranus Nia Oan Laliu Rekrutamentu F-FDTL
Naunil Media, Konsellu Kombatentes Veteranus munisípiu Manufahi, Tobias Amaral Magno Kodigu ‘Maksakor’, Informa nia parte lameta tebes ho rekrutamentu foun ba Falintil Forsa Defeza Timor –Leste (F-FDTL), tanba veteranus nia oan barak naran la sai iha lista kandidatu.
“Koalia kona-bá rekrutamentu foun ba Falintil Forsa Defeza Timor –Leste (F-FDTL) ba tinan 2020-2021 ne’e komplikadu uitoan, tanba iha altura ne’e preoridade ba iha rezime espesial veteranus nia oan, to’o nufin naran mai taka veteranus nia oan barak mak naran laiha iha lista kandidatu”, Konsellu Kombatentes Veteranus munisípiu Manufahi, Tobias Amaral Magno Kodigu ‘Maksakor’ ba jornalista sira iha nia knaar fatin munisípiu Manufahi, kuarta (02/06).
Veteranus ne’e hatutan, relasiona ho ida ne’e veteranus sira rasik mós la menta tebes, depois ida ne’e ita simu orientasaun balun ba hato’o iha nasionál, karik haree ba inan aman veteranus hodi hato’o ba iha komisaun rekrutamentu para atu haree.
“Horiseik ami halo ona karta ida ohin lori tun ona ba iha kuartel jerál dirije liu ba iha komisaun rekrutamentu hodi bele haree ba problema ida ne’e, tanba veteranus nia oan barak mak la liu, No uitoan de’it mak liu”,. NFM
