Komisariu Faustino Relata situasaun Rai Laran ba PR “Lú Olo”
Naunil Media (Díli), Komandante Polisia Nasionál Timor-Leste (PNTL) Komisariu Faustino da Costa, Informa ohin aprezenta situasaun aktual rai laran ba Prezidenti Republika (PR) Francisco Guterres “Lu Olo”.
“Enkontru semanal ne’ebé Komandu PNTL halo ho PrezidentI Repúblika aprezenta situasaun aktual rai laran no akontesementu balun liu-liu iha kapital Díli, no mós kazu ne’ebé mak ita bo’ot sira akompaña Ritabou Maliana nian, ida ne’e mak ami aprezenta no aktualiza kona-bá situasaun hirak ne’e”, Dehan Komandante Jerál Polísia Nasionál Timor-Leste (PNTL) Komisariu Faustino da Costa ba Jornalista sira hafoin enkontru ho Prezidenti Repúblika (PR) Francisco Guterres “Lú Olo” iha Palásiu Prezidenti Nicolau Lobato Bairru Pite, kinta (17/06).
Nia hatutan, nune’e mosu kazu ne’ebé mak durante ne’e akontese iha tempu Serka Sanitaria no Komfinamentu Obrigatoriu ne’ebé mak iha deit Investigasaun nia laran, hatan ba ne’e Komandante PNTL hatete kazu ne’ebé mak kompetensia komandu nian halo suspensaun Komandu deside, hanesan mós balun ne’ebé mak halo transferensia asaun asesoria ida.
“Kazu ne’ebé mak boot presiza públiku hatene kuandu tama ona ba demisaun mak tenke involve komandante munisípiu sira hotu, hanesan Membru konsellu para haree no rona Opinaun ka ideas konaba atu demite kalae, maibé konsellu laiha kompetensia atu demite, maibé ideas hotu husi Prezidenti Konsellu aprezenta ba iha Governu no desizaun iha ne’ebá tuir prosedimentu no lei ne’ebé mak iha”, Katak nia.
Komisariu hateten ida ne’ebé mak tama iha demisaun mak involve konsellu, maibé atu halo suspensaun de’it komando jerál iha kompetensia atu suspende ema ida to’o fulan sia 9 ka loron (240).
“Se Grave mak liu loron 240 ne’e entaun ida ne’e mak haree ba demisaun ne’e, ne’e mak propoin ba suspensaun hira-hira ne’e ita bo’ot sira bele komfirma ho ha’u nia portavos, tamba ami sempre iha ida ne’e, suspensaun ba loron hira no ema hira sei latemi naran, semak suspende 20 no 40 dias 80 dias ne’e laos para ko’alia ida ne’e” Tenik nia.
Faustino hatutan kazu ne’ebé mak ikus seidauk realiza konsellu tanba Vitima Direita ida ne’e seidauk foti nia informasaun kompletu.
Nia nia haktuir kazu Ritabou Maliana ne’e kazu Arte Marseais ne’ebé hanesan mós kazu sira ne’ebé akontese iha D’ili laran ne’e.
Nune’e mós iha loron 16 fulan Juñu Governu Retira ona komfinamentu Domisiliario jerál, mak komandu mós halo enkontru halo avaliasaun hodi haree fila fali mekanismu kontrola asegura serka Sanitaria ne’ebé aplika ba Baucau, Covalima, Bobonaro Ho Dili, anivel iha teritoriu nasionál tomak, Dehan nia.
Iha enkontru ne’e Prezidenti Repúblika Francisco Guterres “Lú Olo” mós Husu ba Komandu Polisia Nasionál Timor-Leste (PNTL) atu kontinua nafatin akompanha prosesu sira ne’e hotu hodi asegura situasaun iha rai laran.*Jos
