Xanana Hateten Órgaun Estadu Haat Iha TL Nakdoko
Naunil Media (Díli), Prezidente Partidu Congreso Nacionál de Reconstrução Timor (CNRT), Kay Rala Xanana Gusmão, hateten órgaun estadu haat, Prezidentecia Repúblika, Parlamentu Nasional, Governu no Tribunal Rekursu, ne’ebe sai hanesan ai-rin no pilár importante ba Repúblika Demokrátika Timor-Leste (RDTL) nakdoko ona.
Líder polítiku Kay Rala Xanana Gusmão, ba jornalista sira liuhosi konferensia inprensa iha sede nasionál CNRT, Bairos dos Grilhos, Sábadu (23/05).
“CNRT núdar partidu senti triste, tamba ita haree katak estadu ne’e pilár haat ne’ebe kaer hela ita nia rain. Ita nia estadu tuir ita nia konstitusional ai-rin haat iha uma lulik Timor ne’e susar tamba hotu-hotu nakdoko ona”, hateten Prezidente Partidu CNRT, Kay Rala Xanana Gusmão.
Xanana hatutan, órgaun jurídiku hanesan Tribunal Rekursu mak sai ai-rin forte ba estadu no nasaun ida ne’e, maibe komesa hatudu ona nia frakeza ba publiku, ema hotu la fiar ona Lei iha Timor-Leste.
“Dehan hela katak buat ida karik justisa mak ai-rin ida ne’ebe metin oituan mais justisa mos hatudu ona katak, ita atu lafiar tiha Lei. Ami hosi partidu CNRT respeitu juis sira hotu, ami hakruk tebes mas sira hatudu ba ami Lei iha Timor ne’e mak halo ami la fiar tiha deit ona” dehan Xanana Gusmão.
Tuir Kay Rala Xanana Gusmão, katak Juis sira iha Tribunal Rekursu, matenek hotu no ita hotu respeita maibe ita mak la fiar ona lei, tamba Tribunal Rekursu nia desizaun ba CNRT nia keiza durante ne’e konsidera inkostitusional no ami CNRT konsidera órgaun jurídiku la neutru, maibe partidu CNRT konntinua nafatin defende estadu direitu demokrátiku. Uar
