Públiku Dúvida Ho Aprezentasaun GJK-MS Kona-ba Dadus Suspeitu COVID-19
Naunil Media (Díli), Kinta (02/04) ne’e, Gabinete Jestaun Krize (GJK) ho Ministériu Saúde (MS) halo públiku dúvida ho sira nian aprezentasaun dadus kona-ba suspeitu COVID-19, tanba iha loron ne’ebé hanesan fó sai dadus ba asuntu ida maibe diferente.
Membru GJK, Rui Maria de Araújo aprezenta dadus suspeitu COVID-19 hamutuk nain 35 no hosi Vise-Ministra Saúde, Kuidadu Saúde Primária, Élia António de Araújo dos Reis Amaral aprezenta suspeitu ba covid-19 dadaun ne’e hamutuk nain 21.
“Preparasaun hodi kombate pandemia Covid-19ne’e to’o ohin (Kinta 02/04) meudia, dadus iha Timor-Leste ema ne’ebé suspeitu komfirmadu hetan sintomas ba COVID-19, hanesan mear, isin manas no seluk tan, hamutuk nain 35 kompostu hosi rezultadu teste laboratórium, ema nain ida positivu, 24 negativu no 10 mak sei iha prosesu teste nia laran”, dekla membru Gabineti Jestaun Krize, Rui Maria de Araújo, ba jornalista sira iha Sala Situasaun Centro de Convenções de Dili (CCD), Kinta.
Misntériu Saúde, liuhosi Vise-Ministra Saúde, Kuidadu Saúde Primária, Élia António de Araújo dos Reis Amaral, aparezenta katak suspeitu COVID-19 supeitu ba covi-19 to’o ohin loron rejista totál hamutuk ema nain 23.
“Ami mak tenke relata rezultadu hosi laboratóriu, tuir lolos dadus ne’ebe sai ne’e sai hosi ministériu saúde”, dehan Élia.
Entretantu dadus atuál ba Suspeitu COVID-19, hosi parte GJK suspeitu hamutuk 35 no MS relata suspeitu 22 no pozitivu ida, dadus refere sai dúvida ba públiku tanba parte rua aprezenta dadus la hanesan. Uar
