Lere Apela Kandidatu ELPRE Labele Insulta Malu Ho Emosaun
Naunil Média (Liquiça), Kandidatura Prezidente da Repúblika periodu tinan 2022-2027, Tenente Jenerál reformadu, Lere Anan Timur, apela ba kandidatura Prezidente da Repúblika iha eleisaun prezidensial periodu tinan 2022-2027, bainhira kampaña hato’o komprimisiu iha palku politika labele ho emosaun.
“ Hau nia maun sira kundu halo kampaña dia’k liu lalika ho emosaun, Hau nia maun sira kritika hau dala barak ona, maibé hau lakohi responde, tanba hau atu koalia de’it programa misaun ho vizaun Prezidente da Repúblika nian, La’os atu mai kritika ema ida.” Dehan Kandidatura Prezidente da Repúblika, Tenente Jenerál Lere Anan Timur, Iha nia kampaña aberta, ne’ebé realiza iha Munisípiu Liquica, Tersa (08/03).
Lere haktuir, labele kritika malu hatun ida hasa’e ida tanba ita mesak timor-oan.
Tanba kandidatura 16 mesak timo-oan se de’it mak manan mós ukun nafatin Timor, Nune’e labele kritika malu ho emosaun hatun ida no hasa’e ida.
“ Ita mesak Timor-oan labele kritika malu hodi hatun ida hasa’e ida ne’e labele, tanba kandidatura 16 ne’e mesak Timor-oan hotu.” Tenik Lere. Latu
