Lere: Iha Kapasidade ho Responsabilidade Bo’ot Ba PR Marka Diferensa
Naunil Média (Liquiça), Kandidatura Prezidente da Repúblika ho númeru sorteiu 8, Tenente Jenerál reformadu, Lere Anan Timur, hateten, iha responsabilidade bo’ot atu sai Prezidente da Repúblika atu marka duni diferensa tanba iha kapasidade atu lori lider sira hamutuk halo dialogu.
“ Maun Kay Rala Xanan Gusmão ho Ramos Ramos Horta labele ba konvida Marí Alkateri tanba sira nain rua hamutuk ona, Marí Alkateri labele ba konvida Xanana tanba, sira nain rua Francisco Guterres Lú-Olo hamutuk ona.” Dehan Lere Anan Timur, iha kampaña aberta ne’ebé realiza iha munisípiu Liquiça, Tersa, (08/03).
Se nune’e se mak atu konvida se.
“ Maibé Lere Anan Timur iha klaran bele konvida maun sira tur hamutuk halo dialogu, Tanba dialogu mak bele hakotu impase politika no kria estabilidade politika iha rai laran, laiha dialogu povu mak sei terus nafatin no lori todan.” Tenik Lere Anan Timur.
Tanba ne’e tinan lima ida ne’e importante tebes, aproveita didi’ak sela’e la’e futuru joven sira nia atu ba ne’ebé ita lahatene. Haktuir Lere Anan Timur.
Lere alerta, Kria bebeik impase politika iha rai laran dezemvolvimenetu la la’o problema mak aumenta ba bebeik ita rasik mak kria.
“ Dezemvolvimentu la la’o problema mak aumenta, oho malu, sunu malu, sadik malu, situasaun ita rasik mak kria, lider sira iha leten laiha problema tanba osan estabil, maibé emprezariu ho povu sira mak terus.” Tenik Jeneral reformadu, Lere Anan Timur. Latu
