João: PR Alumi UNTL, Labele Haluha, Apoia Planu UNTL
Naunil Média (Dili), Hafoin hasoru malu ho Prezidente da Republika (PR), Francisco Guteres, Lu’OLo, Reitor Univiervidade Nasional Timor-Lorosa’e (UNTL), João Soares Martins, informa ba PR katak planu universidade nian ba oin, husu PR atu apoia, tanba PR labele haluha hanesan Alumi UNTL.
” Orgulu bo’ot tanba UNTL nia graduadu ida bele sai PR ukun Timor-Leste, no PR ba povu tomak, ne’e ami agrdase tebes,” Dehan Reitor UNTL João Soares Martins, ba Jornalista bainhira remata hasoru malu ho Prezidente Repúblika (PR), Francisco Guterres, iha Palásiu Prezidente Nicolau, Tersa, (19/10).
Reitor UNTL ne’e haktuir, normalmente PR hare’e ba nasaun laran tomak, maibé planu universidade nian mós aposta ba planu estrateziku guvernu nian.
“Planu ba oin PR normlamente hare’e ba nasaun laran tomak, maibe UNTL nia planu ba oin, agora halo hela revizaun ba planu estratejiku universidade nian ba 2021-2030, sei aposta mos ba planu estratejiku governu nian 2011-2030”, tenik Reitor UNTL ne’e
Nia esplika, Xefe estadu apoiu tomak universidade nia planu, sempre akompaña nafatin UNTL nia andamentu no disponivel atu bele apoiu tuir nivel kbiit ne’ebe PR iha.
Nia afirma, Tanba TL sistema semi prezidensial PR laiha osan, osan iha governu, maibé agora se karik PR bele mós influensia PN, governu entaun sei bele apoiu UNTL iha triplu misaun universidade nian ba melloramentu ensinu, peskiza no servisu komunitariu.
Tuir vizaun UNTL ne’e sai sentru de exselent ba buat hotu, tantu ensinu peskiza no servisu komunitaria, tanba ne’e ba oin tenta buka esforsu maka’as, atu hetan rekursu Finanseiru ne’ebé mak adekuadu para atu bele atinzi implementasaun mehi ne’ebé mak iha.
“Konserteza dalan ba ne’e la’ós fasil maibé ita labele tur nonok ita tenke halo esforsu nafatin mesmu ho limitasaun, ita konsege la’o no ha’u bele dehan katak durante iha situasaun Covid-19 nia laran, prosesu aprendisazen la’o mesmu iha difikuldade, ami tenta uza online mesmu la too ba ema hotu mas entantu mantein kontaktu nafatin ho estudante sira”, Dehan nia
Ikus nia mós esplika tan estudantes hotu-hotu iha Primeiru trimstre governu mak selu estudantes nia propinas, tantu universidade públiku no mós universidade privadu sira.*Jos
