FEATUREDIkus LiuJustisaNews

OJE 2021, TR Sei Harii Tan Tribunal Distrital Tolu

Fahe Tutan

Naunil Media (Díli), Prezidente Tribunal Rekursus (PTR), Deolindo dos Santos, informa propoin ona Orsamentu Jéral Estadu (OJE) ba tinan letivu 2021, sei harii tan tribunal distrital tolu  iha, hanesan Viqeuque, Ermera no  Bobonaro.

“Planu ne’ebé mak iha atu harii tan tribunal iha munisipiu balu, no ha’u rasik indentifika ona fatin mak munisipiu Viqueque, Ermera no Bobonaro”, PTR, Deolindo dos Santos, ba jornalista sira hafoin sorumutuk ho Primeiru Ministru (PM), Taur Matan Ruak iha Palásiu Governu, Kuarta (12/08).

Deolindo esplika, razaun hili fatin tolu ne’e, tanba iha Ermera delegasaun ministeiru públiku iha ona, Viqueque mos hanesan delegasaun ministeiru publiku iha ona no Bobonaro mos hanesan delegasaun minsteiru publiku iha ona, bele fasilita servisu sira ne’e.

“Iha razaun seluk mak haree ba estatistika prosesu ne’ebé mak tama, Viqueue númeru rua depois Boucau, Ermera numeru rua depois Díli, Bobonaru numeru rua depois Suai. Ida ne’e mak razaun atu komesa ona permanente”, tenik PTR, Deolindo.

Enkuantu prosesu ba tribunal movel lori justisa ba besik komunidade agora lao nafatin hela.

“Agora dadaun ba tribunal movel, ita la’o hela nafatin ho forma ne’ebé mak iha,  ita lebele para ho forma ne’ebé mak iha, ita lori justisa ba besik komunidade”, dehan PTR Deolindo.

Ikus-liu, Nia dehan prosesu tribunal movel ne’e forma ho temporariu hanoin atu halo permamente mak tenke loke tan tribunal iha munisipiu. Lop

Leave a Reply

Your email address will not be published. Required fields are marked *