Dr. Rui : “Autoridade Lokál Tenke Aprezenta Timor Oan Mai Hosi Nasaun Afetadu COVID-19”

Fahe Tutan

Naunil Media (Díli), Membru Gabinete Jestaun Krize, Rui Maria de Araújo, husu líder autoridade lokál sira tenke servisu hamutuk ho parte seguransa komunitáriu hodi lori sidadaun ne’ebé mai hosi nasaun sira afeitadu COVID-19 ba sentru saúde sira hodi halo teste m’ediku no tau iha kuarentena.

Membru Sentru Integradu Jestaun Krize, Rui Maria de Araújo, ba jornalista sira liuhosi konferensia imprensa, iha Sala Situasaun Sentru Integradu Jestaun Krize, Centro de Convensaun de Díli (CCD), Kinta (02/04).

“Apela ba populasaun tomak, liu-liu líder komunitáriu tomak hanesan xefe aldeia, xefe suku, nomós polísia komunitária, bainhira hetan informasaun hosi membru komunidade iha ita bo’ot sira nia área, ne’ebé foin fila hosi nasaun afetadu COVID-19, hanesan Indonézia no rai sira seluk ne’ebé timor oan iha barak, halo favór kontaktu ba autoridade saúde, autoridade polísial hodi bele konvense sira, lori ba kuarentina ne’ebe instituisaun governu  prepara tiha ona,” hateten Dr. Rui.

Nia hatutan, sidadaun sira ne’ebé tama mai teritóriu, mai hosi nasaun afetadu sira, tenke fó seguransa ba sira hodi lori ba kuarentena bele hetan observasaun di’ak  hosi profesiónais saúde sira, análiza ba sira nia saúde durante loron 14 nia laran.

“Ita lahatene sira iha sintomas ka lae, lori virus ka lae ?, entaun ita hotu nia seguransa dia’k liu, ita lori sira obrigatóriu hodi bele halo observasaun di’ak hosi profesionais saúde sira, se karik mosu iha sintomas ita bele halo análiza ba sira” Tenik eis Primeiru Ministru Rui.

Nia husu ba ema hotu tenke mantein medida distansia sosiál hanesan, hamrik hadok malu, liu metro ida entrevem ida no ema seluk, fase liman ho sabaun uza bee moos, labele hodi liman ba kaer matan, inus no ibun hanesan maneira ida ba prevensaun COVID-19. Uar

Leave a Reply

Your email address will not be published.