Nova Zelandia Apoiu Ekipamentu Prevensaun COVID-19 Ba TL

Fahe Tutan

Naunil Media (Díli), Segunda (25/05) ne’e, Emabixadór Nova Zelandia iha Timor-Leste, Philip Hewitt, entrega ona ekpamentu sira prevensaun COVID-19 ba  governu Timor-Leste (TL) hodi ajuda ba pesoál Liña Frente sira.

Emabixadór Nova Zelandia iha Timor-Leste, Philip Hewitt, ba jornalista sira hafoin entrega ekipamentu ba Servisu Atendementu Médiku no Saúde (SAMES) iha Kampung Alor.

“Governu Nova Zelandia sente kontente tebes fó apoiu Ba Governu Timor-Leste, ekipamentu protesaun ba pesoál sira ho montante orsamente $ 300.00 ne’ebé hanesan faze primeiru”, hateten embaixadór Philip.

Embaixadór Nova Zelandia ne’e hatete,  Governu Nova zelandia la’ós fó apoiu ba governu Timor-Leste de’it, maibé durante ne’e serbisu hamutuk ho Rede Feto, Coperativa Cafe Timor Nia klínika  (CCT), hodi apoiu atividade bazika komunidade nian hodi responde ba COVID-19, servisu hamutuk ho PNTL no F-FDTL, nune’e foin lalais repatria estudante nain 17 hosi Wuhan Xina ba Nova Zelandia.

Iha fatin hanesan Directór Ezekutivu SAMES, Santana Martins, agradese ba governu Nova Zelandia, tanba bele apoiu ona ekipamentu ba Timor-Leste ba hodi konbate COVID-19.

“Ohin,  Marka tan istória foun ida ba  Timor-Leste, ita hotu haree Governu Nova Zelandia liuhosi Embaxadór iha Timor-Leste fó apoiu tan Ekipamentus protesaun hirak ne’e, sira fó ba ita hodi bele apoiu pesoál liña Frente”, dehan Nia.

Governu Nova Zelandia apoiu ekipamentu hanesan Maskra, sanitasaun fase liman, gloves taka oin.

Tuir planu governu Nova Zelandia sei aumenta tan apoiu maskra no luvas  ba Timor-Leste hodi halo prevensaun COVID-19. Dms

Leave a Reply

Your email address will not be published.