FEATUREDIkus LiuNewsPolitika

PD Sujere, “Meza PPN Rahun Tau Iha Muzeu Sai Istória TL”

Fahe Tutan

Naunil Media (Díli), Bankada Parlamentár Partidu Demokrátiku (PD) sujere atu meza Prezidente Parlamentu Nasionál (PPN) ne’ebe rahun ona tau iha Muzeu Nasionál Rezistensia sai hanesan arquivu no hola parte ba istória Timor-Leste nian.  

Sujestaun ne’e Vise Xefe Bankada PD, Adriano do Nacimento ‘Loro-Mau’ hato’o durante sesaun plenária iha Uma Fukun, Parlamentu Nasionál, Segunda (25/05).

PD sujere asuntu ne’e ba PPN, Aniceito Guterres, relasiona meza ho Prezidente Parlamentu Nasionál ne’ebe hetan estragus (rahun), hafoin durante loron rua, 18 to’o 19 fulan Maiu ne’e, estrundu iha Sala Plenária, tanba deputadu sira hosi bankada Fretilin, PLP, KHUNTO kontra CNRT hodi halo ajenda plenáqria destituisaun meza parlamentu nasionál.

Deputadu Adriano do Nacimento ‘Loro-Mau’, hateten wainhira harii fali meza foun, meza ne’ebe rahun tenke tau iha Muzeu Rezistensia hodi arkiva ba istória.

“Karik atu tau meza foun, ha’u iha sujestaun ida ba prezidente, ita rai nafatin kadeira no meza soe ba malu hodi rahun ne’e tau iha Muzeu. Iha meza ida ne’e nia leten mak ita asina Konstituisaun ba rai ida ne’e nian, ida ne’e mos mak hahúu hanesan fundasaun nasaun ida ne’e nian, tenke kuida buat sira ne’e rai ida ne’e mos parte ida istória nasaun nian liu-liu istória Parlamentu nian”, hateten Vise Xefe Bankada PD, Adriano do Nacimento.

Deputadu ne’e tenik liu-tan, “Hau hanoin ita atu halo serimonia kultural loke ba sesaun lejislatura ne’e diak soo ke hau nia preokupasaun mak ne’e iha fulan ida nia laran ita iha plenárai depois hosi meza aat ne’e iha kotuk, ne’e haruka mensajen ba públiku iha Timor laran no internasionál ladun furak”.

Prezidenti Parlamentu Nasional, Aniceito Guterres, hateten meza rahun ne’e bele ba tau iha Muzeu maibe presiza halo nia dokumentasaun.

“Hau haruka sira iha ne’e nia pozisaun, ne’e lalika munda para fo oportunidade ba ema cameramen para atu halo nia pozisaun hanesan ne’e bele dokumenta didi’ak antes ita hadia, depois bele sai ba dokumentasaun tau iha Muzeu ou ida ne’e mak ita muda ba Muzeu maibe nia pozizaun ne’e hosik hanesan ne’e lai, hodi fó oportunidade ba ita nia autoridade sira bele haree ida ne’e”. dehan PPN, Aniceito Guterres. Uar

Leave a Reply

Your email address will not be published. Required fields are marked *