Ekipa Susesu Garante Eleitores 125.000. “Lú-Olo” Manan Iha Eleisaun Prezidensiál
Naunil Média (Díli), Ekipa Susesu Aktual Prezidente da Repúblika (PR), Francisco Guterres Lú-Olo, Fiar a’an (Konfia), ba Eleitores hamutuk rihun atus ida rua-nulu resin lima (125.000), Garante bele manan iha Eleisaun Prezidensiál periodu 2022-2027.
Asinatura hamutuk rihun atus ida rua-nulu resin lima (125.000) mai hosi militantes ka apoiantes ne’ebé fó konfiansa ba Lu-Olo atu kompete iha Eleisaun Prezidensiál.
” Hosi ne’e ekipa susesu, PR, Lu-Olo, konfiante no konfortavel prontu kompete no prontu para atu manán,” Dehan ekipa Susesu, Kandidatura Francisco Guterres “Lú Olo.” Francisco Maria de Vasconcelhos ba Jornalista sira iha Tribunal Rekursu, Segunda, (31/01/22).
Nune’e mós Representante Kandidatura Prezidente Repúblika Francisco Guterres “Lú Olo” Fernando Dias Gusmão hatutan, Ohin sira rezista ona kandidatura “Lú Olo” no Tribunal Rekursu (TR) dehan katak dokumentu ne’ebé aprezenta tuir ona Lei Eleisaun Prezidensiál.
“Ohin loraik ne’e ami hosi ekipa kandidatura, Francisco Guterres Lú Olo, Nian ami mai rezista ona nia kandidatura hosi TR dokumentu ne’ebé ami aprezenta mais ou menus tuir ona buat ne’ebé mak lei eleisaun Prezidente Repúblika,” Katak Fernando Gusmão
Fernando Esplika, Dokumentus ne’ebé ekipa lori mai rezista mak hanesan, karta deklarasun aseitasaun hosi kandidatu nian, karta dezignasaun nia reprezentante, lori dokumentu komprovativu lista asinatura no kartaun eleitoral hosi sidadaun nain rihun sia (9.000)
Nia hatutan, Dala ruma iha pergunta tan saida mak rihun sia (9.000) de’it, Ida ne’e tanba ekipa ne’e hakarak ajuda mós TR bele halo verifikasaun ne’ebé lais liu.
” Maibé dokumentu ne’ebé mak militante sira no povu tomak intrega ba sira ekipa susesu hamutuk rihun atus ida rua-nulu resin lima (125.000), Maibé dokumentu sira ne’e labele lori mai hotu, no ekipa ne’e lori de’it dokumentu mais ou menus rihun lima-nulu (50.000) rihun ha’at-nulu mak lori fila no rihun sia hatama tiha ba TR,” Nia informa.
Tanba ne’e nia mós informa ba públiku katak Prezidente Repúblika Francisco Guterres “Lú Olo” Re-kandidata a’an no prontu atu kompete iha Eleisaun Prezidensial ne’ebé mai dadauk.*Jos
