Semana Kotuk La Konsege Registu, Ohin “Armanda” Rejista Ona Iha TR

Naunil Méia (Díli), Maske iha sexta semana kotuk ekipa susesu kandidatura Armanda Berta, submete ona lista kandidatura iha Tribunál Rekursu (TR), hafoin deside haruka fila tanba seida’uk kompleta dokumentus eletroniku.

Nune’e iha segunda feira ne’e, ekipa susesu ne’ebe lidera hosi Marito Magno, Marka hikas prezensa iha TR hodi kumpri desizaun hafoin kompleta dokumentus eletroniku.

Marka Prezensa ekipa susesu Armanda Berta, Hosi Partidu Kmanek Haburas Unidade Nasionál (Khunto). Konsege rejista ona, Nune’e kandidatura Armanda Berta, Bele konkore ona iha Eleisaun Prezidensiál.

Prezidente ekipa Susesu, Marito Magno, Hateten, Submete hikas lista kandidatura hodi kompleta tan dokumentus TR, hafoin haruka fila iha semana kotuk.

“ Ohin ekipa susesu kandidata Armanda Berta mai kompleta tan de’it dokumentus balun ne’ebe iha sexta semana kotuk haruka fila, tanba ne’e mak ohin ami mai halo kompleta no rejista ona iha TR,  sira mos simu ona ami nia aseitasaun hodi kontinua nia prosesu ba oin,” Dehan Marito Magnon, Ba Jornalsita sira iha TR, Sexta, (31/1).

Nia haktuir, kandidatura Armanda Berta ofisialmente rejista ona iha TR , Tanba ne’e Partidu Khunto hein de’it notifikasaun tuir lei haruka nune’e bele halo prosesu hodi hetan aprovasaun hosi TR.

Ekipa ne’e fiar katak ho lista dokumentus kandidatura ne’ebé kompleta ona iha TR ne’e garante katak sei laiha tan failhansu ruma iha prosesu rejistrasaun nian.

“ Karik iha buat ruma Tribunal sei notifika ami para kompleta tan. Maibe, Ami fiar buat hotu la’o di’ak tanba ami nia preparasaun maximu.

Tuir lista apoiantes ne’ebe Partidu Khunto rekolha antes ne’e iha proponentes hamutuk Rihun 10 ne’ebe sei apoiu kandidatura Armanda Berta iha Eleisaun Prezidensial tinan ne’e.

Maibe hafoin diresaun notariadu hala’o verifikasaun lista apoiantes ba Kandidatura Armanda Berta hela ema apoiantes 8.641 .Ana