ANPM Prepara Esbosu Kódigu Mineiru Regula Atividade Desmantelamentu

Fahe Tutan

Naunil Media (Díli), Vise Prezidente Autoridade Nasionál Petróleo no Minerais (ANPM),  José Gonçalves, hateten ANPM husi diresaun minerais prepara esbosu lei kódigu mineiru atu regula invetidor sira ne’ebé mai Timor-Leste ba atividade desmentalamentu.

“Ami-nia planu estratéjiku ba tinan 2020, parte diresaun minerais nian mak kontinua halo’o diskusaun ba esbosu Lei kódigu mineiru nian,  asegura Lei ne’e bele hetan aprovasaun hodi bele implementa. Konteudu husi Lei ne’e kobre ba  atividade hotu husi faze inísiu to’o desmantelamentu kona-ba rekejitu tekniku saúde seguransa no rekejitu ambiental ne’ebé liga ba Lei lisensiamentu ambiental nian”, Vise Prezidente Autoridade Nasionál Petróleo no Minerais (ANPM),  José Gonçalves, ba jornalista sira iha Timor Plaza, Kinta (25/06).

Vise ANPM ne’e hatutan, esbosu  kódigu mineru, nia substansia husi lei ne’e kobre ba atividade minerais husi  inísiu ne’ebé  bolu investidór sira ba faze peskiza to’o desmantelamentu.

“Lei ne’e ita dezeñu mos hanesan ba ita-nia jerasaun primeiru, ne’ebé ita akumula hotu ne’ebé  pratika hosi nasaun sira ne’ebé implementa tiha ona Lei ne’e iha tinan barak nia laran. Ita uja pratika sira ne’ebé iha Australia no nasaun CPLP balun ne’ebe relevante ho prioridade ba ita-nia rain”. Dehan Nia. Apm/Ana.

Leave a Reply

Your email address will not be published.