FEATUREDIkus LiuNewsPolitika

PR Lú Olo : “Povu Atu Moris Di’ak Líder Partidu Presiza Iha Maturidade”

Fahe Tutan

Naunil Media (Díli),  Prezidente  Repúblika (PR), Francisco Guterres  Lú Olo, hateten atu lori povu ba moris diak lider partidu sira presiza iha  maturidade polítika liu-liu kumpri sira nia promesa ne’ebé promete ona ba povu durante tempu kampaña.

“Lideransa partidu sira-nian presiza iha maturidade no bankada parlamentár sira, deputadu ida-idak  tenke servisu, servisu maka’as duni, hodi bele kumpri promesa sira-ne’ebé hato’o’o iha kampaña eleitorál”, Xefe Estadu Timor-Leste, Lú Olo liuhosi nia diskursu iha ambitu pose ba membru foun oitavu governu nain-21 iha Palásiu Prezidensiál Bairo Pite, Kuarta (24/06).

Xefe Estadu Lú Olo, hatutan sai lideransa tenke aten barani atu hatán ba Povu kona-ba  saída  mak sira halo.

“Partidu polítiku sira labele sai de’it mákina hodi manán eleisaun, tenke sai mós fatin hodi promove responsabilidade polítika no sívika no  hasa’e  konsiénsia kona-ba sidadania, Partidu polítiku, Governu no Deputadu sira tenke fó sira-nia kontribuisaun hodi kumpri promesa eleitorál sira no programa Governu nian iha lejislatura ida ne’e”. dehan PR Lú Olo.  

Ikus-liu, Eis rerileiru no atual Prezidente Repúblika, Lú Olo, dehan iha lei-inan konstitusaun RDTL Art.70 mós haktuir no fó responsabilidade bo’ot tebes ba partidu polítiku sira inklui artigu 106 mos haktuir lideransa tenke iha konsiente buka dalan hodi harii no hametin ba beibeik  maioria parlamentár ida ne’ebé bele kaer-metin governu to’o  mandatu nia rohan. Dms

Leave a Reply

Your email address will not be published. Required fields are marked *